Qaraǵandydaǵy «Farabi» meiramhanasynda mobildi top 100 adamǵa jinalǵan toi ótip jatqanyn anyqtady, dep habarlaidy "Ult aqparat".
Qalada oiyn-saýyq oryndaryn, qoǵamdyq tamaqtaný nysandaryn, dúkenderdi jáne t.b. oryndardy tekserý jalǵasýda.
Reid barysynda 10 qazanda Qazybek bi atyndaǵy aýdannyń mobildi toby Qaraǵandy oblysynyń bas memlekettik sanitarlyq dárigeri qaýlysynyń talaptaryn buzylǵanyn anyqtaǵan. Qaraǵandy qalasynyń S. Muqanov kóshesindegi 28/2-úide ornalasqan «Farabi» meiramhanasynda 100 adam jinalǵan úilený toiy ótkizilgeni belgili boldy.
Meiramhana iesine Ákimshilik quqyq buzýshylyq týraly kodekstiń 425-babynyń 1-tarmaǵy («halyqtyń sanitarlyq-epidemiologiialyq salaýattylyǵy salasyndaǵy zańnama talaptaryn, sondai-aq gigienalyq normativterdi buzý) boiynsha hattama toltyryldy.
Atalmysh bapta «jeke tulǵalarǵa - 30 AEK mólsherinde (83 340 teńge); laýazymdy tulǵalarǵa, shaǵyn kásipkerlik sýbektilerine nemese kommertsiialyq emes uiymdarǵa - 230 AEK (638 940 teńge); orta kásipkerlik sýbektileri úshin - 310 AEK (861 180 teńge); iri kásipkerlik sýbektilerine - 1 600 ailyq eseptik kórsetkish (7 500 600 teńge) kóleminde aiyppul qarastyrylǵan.
Karantin rejimine qaramastan, Gogol kóshesindegi 86-úide ornalasqan «Brýklin» restobarynda 11 qazanda keshke 200-ge jýyq adam bi keshine jinalǵan.
Oiyn-saýyq mekemesiniń karantin shekteýin buzǵany týraly materialdar Qaraǵandy qalasynyń Qazybek bi atyndaǵy aýdanynyń TKQSQB-ǵa beriletin bolady.
Eske sala ketsek, Qazybek bi atyndaǵy aýdanda alty mobildi top jumys isteidi.
