© Sputnik / Tabyldy Kadyrbekov
Qaraǵandyda buzaqylyq úshin ustalǵan er adam bosatyldy. Ol úiine barǵan boida anasyn pyshaqtap tastady, dep habarlaidy Sputnik Qazaqstan.
Oblystyq politsiia departamenti usynǵan málimetke sáikes, búgin túngi saǵat 00:35-te Gapeev kóshesinen habar túsken. 29-shy úidiń turǵyny aýladaǵy toǵyz kóliktiń terezesin syndyryp tastaǵan. Oqiǵa ornyna barǵan politseiler 34 jastaǵy er adamdy ustady. Ol buzaqylyq úshin jaýapqa tartyldy.
"Narkologiialyq dispanserde jasalǵan saraptama kezinde ustalǵan er adamnyń saý ekeni anyqtaldy. Narkologiialyq jáne psihiatriialyq esepte turǵan joq. Buryn isti bolmaǵan. Al jasaǵan qylmys aýyr emes sanatqa jatady. Osyǵan bailanysty ony eki saǵattan keiin úiine bosatqan", - deidi oblystyq departament basshysynyń tergeý jumysy jónindegi orynbasary Ernat Qaliaqparov.
Al tańǵy saǵat 07.55-de politsiia bólimine bosatylǵan turǵynnyń páterinen áieldiń máiiti tabylǵany týraly aqparat tústi. Marqum kúdiktiniń 70 jastaǵy anasy bolyp shyqty.
Shuǵyl izdestirý sharalary barysynda kúdikti kóshede ustaldy. Onyń aitýynsha, ekeýi kórshilerdiń kólikterine shyǵyndy tóleýge bailanysty janjaldasyp qalǵan. Sol kezde ol anasyn pyshaqtap tastaǵan.
Qazirgi kezde Qylmystyq kodekstiń 99-baby ("Adam óltirý") boiynsha sotqa deiingi tergeý sharalary bastaldy.
