© Sputnik / تابىلدى كادىربەكوۆ
قاراعاندىدا بۇزاقىلىق ٷشٸن ۇستالعان ەر ادام بوساتىلدى. ول ٷيٸنە بارعان بويدا اناسىن پىشاقتاپ تاستادى, دەپ حابارلايدى Sputnik قازاقستان.
وبلىستىق پوليتسييا دەپارتامەنتٸ ۇسىنعان مەلٸمەتكە سەيكەس, بٷگٸن تٷنگٸ ساعات 00:35-تە گاپەەۆ كٶشەسٸنەن حابار تٷسكەن. 29-شى ٷيدٸڭ تۇرعىنى اۋلاداعى توعىز كٶلٸكتٸڭ تەرەزەسٸن سىندىرىپ تاستاعان. وقيعا ورنىنا بارعان پوليتسەيلەر 34 جاستاعى ەر ادامدى ۇستادى. ول بۇزاقىلىق ٷشٸن جاۋاپقا تارتىلدى.
"ناركولوگييالىق ديسپانسەردە جاسالعان ساراپتاما كەزٸندە ۇستالعان ەر ادامنىڭ ساۋ ەكەنٸ انىقتالدى. ناركولوگييالىق جەنە پسيحياترييالىق ەسەپتە تۇرعان جوق. بۇرىن ٸستٸ بولماعان. ال جاساعان قىلمىس اۋىر ەمەس ساناتقا جاتادى. وسىعان بايلانىستى ونى ەكٸ ساعاتتان كەيٸن ٷيٸنە بوساتقان", - دەيدٸ وبلىستىق دەپارتامەنت باسشىسىنىڭ تەرگەۋ جۇمىسى جٶنٸندەگٸ ورىنباسارى ەرنات قالياقپاروۆ.
ال تاڭعى ساعات 07.55-دە پوليتسييا بٶلٸمٸنە بوساتىلعان تۇرعىننىڭ پەتەرٸنەن ەيەلدٸڭ مەيٸتٸ تابىلعانى تۋرالى اقپارات تٷستٸ. مارقۇم كٷدٸكتٸنٸڭ 70 جاستاعى اناسى بولىپ شىقتى.
شۇعىل ٸزدەستٸرۋ شارالارى بارىسىندا كٷدٸكتٸ كٶشەدە ۇستالدى. ونىڭ ايتۋىنشا, ەكەۋٸ كٶرشٸلەردٸڭ كٶلٸكتەرٸنە شىعىندى تٶلەۋگە بايلانىستى جانجالداسىپ قالعان. سول كەزدە ول اناسىن پىشاقتاپ تاستاعان.
قازٸرگٸ كەزدە قىلمىستىق كودەكستٸڭ 99-بابى ("ادام ٶلتٸرۋ") بويىنشا سوتقا دەيٸنگٸ تەرگەۋ شارالارى باستالدى.
