Qaraǵandy qalasynyń 50185 áskeri bóliminiń qyzmetshileri sellendji qoldap beinerolik túsirdi. Onda olar Abaidyń «Óleń - sózdiń patshasy» atty shyǵarmasyn oqydy, dep habarlaidy QazAqparat tilshisi.
Bastama jasaýshy 50185 áskeri bólim komandiriniń orynbasary, polkovnik Arman Qudaibergenov. Ásker qyzmeti jónindegi shtab bastyǵynyń orynbasary S. Maqsutov stsenarii jazýshy, rejisser, operator jáne montajdaýshy retinde óz úlesin qosty. Óleńdi bólim komandiriniń mindetin ýaqytsha atqarýshy podpolkovnik S. Ramazanov, jedel qyzmet qatardaǵy jaýyngeri N. Búrkitbaev, kelisimshart qyzmetiniń qatardaǵy jaýyngeri A. Mamatilova, aǵa leitenant J. Ońlas, maior J. Smaǵul jáne aǵa leitenant Sh. Zulqarnaev oqydy.
Bul - Abaidyń 175 jyldyǵyna orai aqynnyń shyǵarmalaryn oqityn poetikalyq estafeta.
Estafetany toǵyz jasar oqýshy Láilim Shyraq bastaǵan. Láilim Abaidyń óleńin oqyp, el Prezidentine úndeý tastady. Memleket basshysy muny qabyl aldy. Sonan soń ol estafetany Bilim jáne ǵylym ministri Ashat Aimaǵambetovke, mádeniet jáne sport ministri Aqtoty Raiymqulovaǵa jáne ánshi Dimash Qudaibergenge tapsyrdy.
Chellendjge Qazaqstan Prezidentinen basqa, Memleket basshysynyń baspasóz hatshysy Berik Ýáli, Bilim jáne ǵylym ministri Ashat Aimaǵametov, Mádeniet jáne sport ministri Aqtoty Raimqulova, Aqparat jáne qoǵamdyq damý ministri Dáýren Abaev, Qazaqstannyń Reseidegi burynǵy elshisi Imanǵali Tasmaǵambetov, álemge tanymal ánshi Dimash Qudaibergen, kompozitor Igor Krýtoi, reseilik ánshi Valeriia, Resei Mýz-TV telearnasynyń bas direktory Arman Davletiarov, tanymal qazaqstandyq rejisser Aqan Sataev, Resei prezidentiniń arnaiy ókili Mihail Shvydkoi jáne basqalary qatysty.
