Qaraǵandydan osymen jetinshi kún jylýsyz otyrǵan Ekibastuz qalasyna qalpyna keltirý jumystaryna at alysý úshin qurylys jáne kommýnaldyq kásiporyndardyń bir top qyzmetkeri attandy, dep habarlaidy QazAqparat.
Qaraǵandy qalasynyń ákimi Ermaǵanbet Bólekbaev Instagram-daǵy paraqshasynda Ekibastuzda jylýmen qamtýdy qalpyna keltirý úshin Qaraǵandydan 70 maman jolǵa shyqqanyn jazdy.
«Oblys ákiminiń tapsyrmasy boiynsha qurylys jáne kommýnaldyq kásiporyndar qyzmetkerlerinen brigada quryldy. Kúndiz qajetti quraldarmen jáne tehnikamen tolyq jabdyqtalǵan mamandarymyz Ekibastuzǵa attandy. Qazirgi ýaqytta olar qajetti jumystarǵa kiristi. «Energotsentr» JShS,»Qaraǵandy Sý» JShS, qalanyń qurylys kompaniialary men barlyq qaraǵandylyqtarǵa shyn júrekten alǵys aitamyn», - dep jazdy ol.
