QR Kólik ministrliginiń Azamattyq aviatsiia komiteti
Azamattyq aviatsi komiteti Qaraǵandy oblysyndaǵy ushaq apatynan qaza tapqan eki adam týraly aqparatty jariialady, dep habarlaidy "Ult aqparat".
«Aviatsiialyq oqý-jattyǵý ortalyǵy" JShS-niń áýe kemesi apatynan áýe apatynan qaza tapqandar: áýe kemesiniń komandiri (ushqysh-nusqaýshy), Áýe qorǵaý kúshteri áskeri institýtynyń kýrsanty.
Ushqyshta 2019 jyldyń 28 qarashasynda berilgen CPL (A) №000012 kýáligi boldy. Jalpy ushqan ýaqyty - 1097 saǵat. Ushqysh nusqaýshynyń arnaiy belgisin "Qazaqstandyq shaǵyn aviatsiia qaýymdastyǵy" zańdy tulǵalar birlestigi (KAMA) engizgen. Ol 2025 jyldyń 1 shildesine deiin jaramdy.
Qazaqstan Respýblikasy Kólik ministrliginiń Azamattyq aviatsiia komiteti men Qazaqstannyń aviatsiialyq ákimshiligi áýe apatynda qaza tapqandardyń týystary men jaqyndaryna kóńil aitady», - delingen habarlamada.
Vedomstvo málimetinshe, Qazaqstannyń aviatsiialyq ákimshiliginiń bas direktory Katalin Radý P2002-JF apatyna bailanysty Operatsiialyq ortalyqtyń shuǵyl keńesin ótkizgen. Operatsiialyq ortalyq Qazaqstannyń aviatsiialyq ákimshiliginiń apattyq josparyn iske qosyp, ushý qaýipsizdigi máselelerin talqylady jáne tergeýge qujattardy daiyndady.
«Aviatsiialyq oqý-jattyǵý ortalyǵy» JShS 2022 jylǵy 25 qarashada «Qazaqstannyń aviatsiialyq ákimshiligi» AQ bergen AOO sertifikaty negizinde aviatsiialyq personaldy kásibi daiarlaý jónindegi qyzmetti júzege asyrady. Sertifikattyq tekserýdi «Qazaqstannyń aviatsiialyq ákimshiligi» AQ aviatsiialyq inspektorlary 2022 jylǵy 21 qarasha men 25 qarasha aralyǵynda júrgizdi.
Áýe oqiǵasy bolǵan UP-LA286 áýe kemesiniń ushýǵa jaramdylyq sertifikaty 2020 jylǵy 4 maýsymda berildi. Shyǵarylǵan ýaqyty - 2011 jyldyń 29 shildesi.
Qazaqstan Respýblikasynyń azamattyq áýe kemeleriniń memlekettik tiziliminde 2020 jylǵy 13 mamyrda tirkeldi.
AOO parki 15 (11 ushaq jáne 4 tikushaq) áýe kemesinen turady», - delingen habarlamada.
