Qaraǵandy oblysynda koronavirýsqa qarsy jappai vaktsinatsiia qarqyndy júrýde. Medikterdiń kóshpeli brigadalary shahtalarda jumys istep jatyr, dep habarlaidy "Ult aqparat".
Kómir óndirý kásiporyndary Shahtinsk, Abai, Saran jáne Qaraǵandy qalalarynda ornalasqan. Kóshpeli meditsinalyq brigadalar aýmaqtyq túrde uiymdastyrylǵan. V.I. Lenin atyndaǵy shahtaǵa jáne «Shahtinskaia» shahtasyna – Shahtinsk qalasynyń «Bolashaq» emhanasy, «Saran» shahtasyna - Saran qalasynyń emhanasy qyzmet kórsetedi, al qalǵan shahtalar men jerústi kásiporyndaryna Qaraǵandydan brigadalar shyǵady.
«Shahtalarda dumysshylar jaqyn júrip jumys jasaidy, áleýmettik ara qashyqtyu saqtaý jaǵdailary bola bermeidi. Al vaktsina qaýipti virýstyń jappai juqtyrýdy aldyn alýǵa kómektesedi», – dedi «ArselorMittal Temirtaý» AQ Kómir departamentiniń meditsinalyq máseleler jónindegi direktory Ilia Valshtein.
I.A. Kostenko atyndaǵy shahtada alǵashqy vaktsinany direktor Sergei Mýstivko aldy.
«Ujymdyq immýnitet úshin halyqtyń basym bóligi egilýi tiis ekeni belgili. Biz barlyǵymyz ómirdiń úirenshikti arnaǵa oralǵanyn qalaimyz», – deidi kásiporyn basshysy.
Keibir qyzmetkerler ózderin ǵana emes, jaqyndaryn da qorǵaýǵa múmkindik aldy. I.A. Kostenko atyndaǵy shahtada jumys isteitin Evgenii Konechnikov qyzymen birge egildi.
«Árine, oilandyq, bárin aldyn ala saraladyq. Jáne ekpe alý kerek degen sheshim qabyldadyq. Biz ózimiz jáne týystarymyz úshin únemi uiymdap, úreilenýdi doǵarǵymyz keledi», – dedi Evgenii Konechnikov.
Búgingi tańda shahtalarda 500-ge jýyq adam vaktsinatsiiadan ótti jáne egý naýqany áli de jalǵasýda.
