Qaraǵandyda eki alapat órtti 300-ge jýyq qutqarýshy men tikushaq óshirýge tyrysty. Órt aýyzdyqtaldy. Qaraǵandy oblysynyń Tótenshe jaǵdailar departamenti shyqqan órttiń saldaryn biikten kórsetti, - dep habarlaidy Tengrinews.kz agenttigi.
Qaraǵandy sharýashylyǵynyń orman jáne janýarlar dúniesin qorǵaý aýmaǵynda 70 gektar jer zardap shekken, al onyń 40 gektary orman.
Tikushaqtan túsirilgen videoda kúl bolǵan qara jer kórinedi.
Qaraǵandy oblysynyń ákimi Jeńis Qasymbek zardap shekkender joq deidi. Aldyn ala esepteýler boiynsha, órttiń jalpy aýdany - 200 gektar.
Oblystyq TJD baspasóz qyzmetiniń málimetinshe, Qaraǵandyda Osevaia kóshesiniń shetindegi aǵash otyrǵyzý aýmaǵynan shyqqan órtten alty saiajaiǵa zaqym kelgen. Sondai-aq, qala mańyndaǵy jeti aýdan aýmaǵynda 15 sharýashylyq ǵimaraty jartylai órtendi. Órtsóndirýshiler 5 adamdy qutqardy, taǵy 25 adam qaýipsiz jerge kóshirildi.
Qazir eki órt te baqylaýǵa alynyp, qutqarýshylar órtti toqtatty. Ormandar men butalar belsendi janyp jatqan aýmaqtar joq.
Órtti joiýǵa TJD, 52859 áskeri bólimi, jergilikti politsiia qyzmeti, orman sharýashylyǵynyń jáne quramynda 289 adam men 68 tehnikasy bar "Qazaviaqutqarý" kúshi jumyldy.
