Foto: Qaraǵandy zooparky
Qaraǵandy haiýanattar baǵynda adamdardy tasymaldaýǵa arnalǵan arba jegilgen at bir otbasyny jaraqattady, - dep habarlaidy Tengrinews.kz.
Oqiǵa bir kún buryn qalalyq haiýanattar baǵynda bolǵan, arba jegilgen jylqy haiýanattar baǵynyń aýmaǵynda bailaýly turǵan. Kenetten balalarymen birge demalyp jatqan erli-zaiyptylar otyrǵan oryndyqqa qarai shapqan. Oqiǵa saldarynan dene jaraqatyn alǵan otbasyny Maqajanov atyndaǵy emhanaǵa alyp ketken.
Haiýanattar baǵy oqiǵany rastady. Basshynyń aitýynsha, janýar úrkip ketken.
"At tynyǵatyn ýaqytta janynan birneshe bala shar alyp ótip bara jatqan. Shardyń jarylǵan daýsynan úrkip ketken at otbasy otyrǵan "besedkaǵa" kirip ketken. Jedel járdem otbasyny alyp ketti. Olar Maqajanov emhanasyna jetkizildi. Meditsinalyq kómek kórsetildi. Ákesi men balalardyń denesi kógergen, áieliniń aiaǵy men belinde jaraqat bar", - dep habarlady haiýanattar baǵy ókilderi.
Sondai-aq haiýanattar baǵy saiabaqtaǵy barlyq janýarlar siiaqty jylqynyń da veterinarlardyń turaqty baqylaýynda ekenin aitty. At jýas, buryn eshqashan adamdarǵa agressiia kórsetpegen.
"Kelýshilerden haiýanattar baǵyna ózderimen birge sharlardy alyp kelmeýlerin suraimyz. Olar bizdiń aýmaqta satylmaidy. Sondai-aq kelýshilerdi haiýanattar baǵynda ózin-ózi ustaý erejelerin qatań saqtaýǵa shaqyramyz. Olardyń barlyǵy bizdiń Instagram paraqshamyzda jariialanǵan, sonymen qatar qorshaý men kireberiste ilýli turady. Qazir biz bul atpen adamdardy tasymaldaýdy ýaqytsha toqtattyq, - deidi haiýanattar baǵy ókilderi.
