فوتو: قاراعاندى زووپاركى
قاراعاندى حايۋاناتتار باعىندا ادامداردى تاسىمالداۋعا ارنالعان اربا جەگٸلگەن ات بٸر وتباسىنى جاراقاتتادى, - دەپ حابارلايدى Tengrinews.kz.
وقيعا بٸر كٷن بۇرىن قالالىق حايۋاناتتار باعىندا بولعان, اربا جەگٸلگەن جىلقى حايۋاناتتار باعىنىڭ اۋماعىندا بايلاۋلى تۇرعان. كەنەتتەن بالالارىمەن بٸرگە دەمالىپ جاتقان ەرلٸ-زايىپتىلار وتىرعان ورىندىققا قاراي شاپقان. وقيعا سالدارىنان دەنە جاراقاتىن العان وتباسىنى ماقاجانوۆ اتىنداعى ەمحاناعا الىپ كەتكەن.
حايۋاناتتار باعى وقيعانى راستادى. باسشىنىڭ ايتۋىنشا, جانۋار ٷركٸپ كەتكەن.
"ات تىنىعاتىن ۋاقىتتا جانىنان بٸرنەشە بالا شار الىپ ٶتٸپ بارا جاتقان. شاردىڭ جارىلعان داۋسىنان ٷركٸپ كەتكەن ات وتباسى وتىرعان "بەسەدكاعا" كٸرٸپ كەتكەن. جەدەل جەردەم وتباسىنى الىپ كەتتٸ. ولار ماقاجانوۆ ەمحاناسىنا جەتكٸزٸلدٸ. مەديتسينالىق كٶمەك كٶرسەتٸلدٸ. ەكەسٸ مەن بالالاردىڭ دەنەسٸ كٶگەرگەن, ەيەلٸنٸڭ اياعى مەن بەلٸندە جاراقات بار", - دەپ حابارلادى حايۋاناتتار باعى ٶكٸلدەرٸ.
سونداي-اق حايۋاناتتار باعى ساياباقتاعى بارلىق جانۋارلار سيياقتى جىلقىنىڭ دا ۆەتەرينارلاردىڭ تۇراقتى باقىلاۋىندا ەكەنٸن ايتتى. ات جۋاس, بۇرىن ەشقاشان ادامدارعا اگرەسسييا كٶرسەتپەگەن.
"كەلۋشٸلەردەن حايۋاناتتار باعىنا ٶزدەرٸمەن بٸرگە شارلاردى الىپ كەلمەۋلەرٸن سۇرايمىز. ولار بٸزدٸڭ اۋماقتا ساتىلمايدى. سونداي-اق كەلۋشٸلەردٸ حايۋاناتتار باعىندا ٶزٸن-ٶزٸ ۇستاۋ ەرەجەلەرٸن قاتاڭ ساقتاۋعا شاقىرامىز. ولاردىڭ بارلىعى بٸزدٸڭ Instagram پاراقشامىزدا جارييالانعان, سونىمەن قاتار قورشاۋ مەن كٸرەبەرٸستە ٸلۋلٸ تۇرادى. قازٸر بٸز بۇل اتپەن ادامداردى تاسىمالداۋدى ۋاقىتشا توقتاتتىق, - دەيدٸ حايۋاناتتار باعى ٶكٸلدەرٸ.
