Qaraǵandy qalasynda jeńil kólik pen marshrýttyq avtobýs soqtyǵysyp, saldarynan bir adam kóz jumdy, dep habarlaidy QazAqparat tilshisi.
9 qarasha kúni Qaraǵandy qalasynyń Oktiabr aýdanynda 30 jastaǵy BMW avtokóliginiń júrgizýshisi «Setra» markaly qoǵamdyq kólikpen soqtyǵysqan. Aldyn ala boljam boiynsha jeńil kólik iesi joldyń qarsy betine shyǵyp ketken.
«Jol kólik oqiǵasynan BMW avtokóliginiń júrgizýshisi oqiǵa orynynda kóz jumdy. Oqiǵa kezinde qoǵamdyq kólikte bolǵan jolaýshylardyń eshqaisysy jaraqat alǵan joq. Atalǵan fakti politsiiada tirkeldi. Tiisti saraptamalar taǵaiyndalyp, tergeý amaldary júrgizilýde», - dedi PD baspasóz qyzmeti.
