12 jeltoqsan kúni Qaraǵandydaǵy aialdamalardyń birinde belgisiz bireý qoǵamdyq kólik júrgizýshisine pyshaq ala júgirip, kondýktordy balaǵattaǵan.
Bul týraly habar Qaraǵandy qalalyq politsiia basqarmasynyń Jedel basqarý ortalyǵyna tústi, dep habarlaidy QazAqparat Qaraǵandy oblystyq Politsiia departamentiniń baspasóz qyzmetine silteme jasap.
Baspasóz qyzmetiniń málimetterine qaraǵanda, patrýldik politsiia polkiniń qyzmetkerleri osy iske qatysy bar degen kúdikpen 23 jastaǵy qala turǵynyn ustady.
Politsiia qyzmetkerleri kúdikti qoǵamdyq kólikte qoqys shashyp, osyǵan bailanysty kondýktordyń eskertpesine balaǵat sóz aityp, daý shyqqany belgili boldy.
«Atalǵan fakt boiynsha Qazaqstan Respýblikasy Qylmystyq Kodeksiniń 293 baby 3tarmaǵyna sáikes sotqa deiingi tergeý bastaldy», - delingen habarlamada.
