Qaraǵandyda jol qozǵalysy qaǵidalaryn ádeii buzyp, qoǵamdyq qaýipsizdikke qater tóndirgen júrgizýshiler anyqtalyp, ustaldy, dep habarlaidy Ult.kz.
Politsiia málimetinshe, qaladaǵy Jedel basqarý ortalyǵy qyzmetkerleri beinebaqylaý júieleri arqyly jol qozǵalysyn táýlik boiy baqylaý barysynda bir top júrgizýshiniń óreskel quqyqbuzýshylyqqa jol bergenin tirkegen.
Anyqtalǵandai, júrgizýshiler qaýipti manevrler jasap, qarsy qozǵalys jolaǵyna shyqqan, qaýipsizdik beldigin taqpaǵan jáne qozǵalys kezinde avtokólikten denelerin shyǵarǵan. Bul áreketter ózge jol qatysýshylarynyń ómiri men densaýlyǵyna naqty qaýip tóndirgen.
Oqiǵa týraly aqparat jedel túrde patrýldik politsiiaǵa berilip, qabyldanǵan sharalar nátijesinde bes avtokólik Kúngei shaǵynaýdany aýmaǵynda toqtatyldy. Quqyqbuzýshylyqqa qatysy bar tulǵalar ustaldy.
Tekserý barysynda ákimshilik zańnamany birneshe ret buzý faktileri rastaldy. Atap aitqanda, manevr jasaý qaǵidalaryn buzý, qarsy jolaqqa shyǵý jáne qaýipsizdik talaptaryn saqtamaý derekteri anyqtalǵan.
Barlyq júrgizýshilerge qatysty ákimshilik hattamalar toltyrylyp, materialdar sotqa joldandy. Kólikter arnaiy aiyppul turaǵyna qoiyldy.
Qazirgi ýaqytta quqyqbuzýshylardy kólik júrgizý quqyǵynan aiyrý jáne ákimshilik qamaýǵa alý máselesi qarastyrylyp jatyr.
Politsiia ókilderi jolda ádeii jasalatyn qaýipti áreketter qatań túrde toqtatylatynyn eskertip, júrgizýshilerdi zań talaptaryn saqtaýǵa shaqyrdy.
