Qaraǵandyda sheneýnik qala meiramhanalarynyń birinde qyzynyń uzatý toiyn jasap, 500 adam qonaq jinaǵan. Bul jaǵdaidy mobildi top tirkedi. Meiramhananyń qyzmeti toqtatyldy, dep habarlaidy "Ult aqparat".
Búgin Qaraǵandydaǵy meiramhanalardyń birinde mobildi top ókilderi karantindik shekteýdiń buzylý faktisin anyqtady.
Belgili bolǵandai, onda 500 adam shaqyrylyp, qyz uzatý ótkizgen. Áleýmettik jelilerde meiramhana mańyna kóp kólik jinalǵany týraly video jariialandy.
Is-sharany oblystyń joǵary laýazymdy sheneýnikteriniń biri uiymdastyrǵan.
«Sanitarlyq-epidemiologiialyq sharalardyń buzylýyna bailanysty «Arista» meiramhanasynyń ielerine qatysty nysannyń qyzmetin toqtatý boiynsha shara qabyldanady. Halyqtyń COVID-19 aýrýynyń ósýine qaramastan, mekeme ieleri men buqaralyq shara uiymdastyrýshylar jaqyndaryna infektsiianyń juǵýy men taralý qaýpin tóndiretini óte ókinishti. Bul másele Qaraǵandy qalasy ákimdiginiń, quqyq qorǵaý organdarynyń jáne monitoring tobynyń jeke baqylaýynda», - dep túsindirdi Qaraǵandy qalalyq ákimdigi.
Mobildi toptar buzýshylyqtardy anyqtaý jumysyn jalǵastyryp jatyr.
Resmi emes málimetke sensek, bul sheneýnik - Qaraǵandy oblystyq jer qatynastary basqarmasynyń bastyǵy.
