Foto: instagram.com/ekaraganda.kz
Qaraǵandyda eki avtobýstyń qatysýymen jantúrshigerlik jol apaty boldy, - dep habarlaidy Tengrinews.kz saity.
Áleýmettik jelide apat ornynan túsirilgen video tarady. Kýágerlerdiń aitýynsha, oqiǵa 25 qarashada tańerteń saǵat 09:15 shamasynda kópirde bolǵan.
Politsiia málimetinshe, avtobýstardyń biriniń júrgizýshisi oqiǵa ornynda qaza taýyp, kóptegen jolaýshylar túrli jaraqatpen meditsinalyq mekemege jetkizilgen.
"Júrgizýshisi oqiǵa ornynda qaza tapty. №41 avtobýs bos bolǵan. Atalǵan fakt boiynsha qylmystyq is qozǵalyp, tiisti saraptamalar taǵaiyndaldy. Qazirgi ýaqytta oqiǵanyń mán-jaiy anyqtalyp jatyr. Oqiǵa ornynda jedel-tergeý toby, Tótenshe jaǵdailar departamentiniń qyzmetkerleri jumys istep jatyr", - dep habarlady Qaraǵandy oblysynyń politsiiasynyń ókili.
Vedomstvo júrgizýshilerge qyraǵy bolyp, jol erejesin qatań saqtaýǵa shaqyrady.
