Qazaqstan halqy Assambleiasy jáne Qaraǵandy oblysy ishki saiasat basqarmasynyń «Qoǵamdyq kelisim» KMM uiymdastyrýymen, Qaraǵandy oblysy QHA Qazaqstan Respýblikasynyń Tuńǵysh Prezidenti - Elbasy N.Á.Nazarbaevtyń qoǵamdyq kelisim men jalpyulttyq birliktiń qazaqstandyq úlgisine arnalǵan úzdik ǵylymi jobalary oblystyq konkýrsyn qorytyndylady, - dep habarlaidy «Ult aqparat».
Ǵalymdardyń, sarapshylardyń, doktoranttar men magistranttardyń ǵylymi-zertteý jumystaryn beibitshilik pen kelisim ideialaryn qoldaý, jinaqtaýǵa baǵyttalǵan ǵylymi zertteýlerdi daiyndaýǵa kómektesý maqsatynda uiymdastyrylǵan baiqaýdyń qorytyndysyn «Qoǵamdyq kelisim» KMM basshysy Áigerim Isbekova jariialady.
«Baiqaýǵa qatysýshylar men jeńimpazdardy shyn júrekten quttyqtaimyn. Barlyq qatysýshy qajyrly eńbek etken, bári de jeńiske laiyq. Degenmen baiqaýdyń aty baiqaý, ádil qazylarǵa sheshim qabyldaý ońai bolǵan joq. Bizdiń bul jobamyzdyń negizgi mindetteri qoǵamdyq kelisim men jalpyhalyqtyq birlikti qamtamasyz etý boiynsha memlekettik saiasat salasyndaǵy talantty jas ǵalymdar men sarapshylardy qoldaý, qoǵamdyq kelisimdi, qazaqstandyq biregeilikti nyǵaitý boiynsha oqý-ádistemelik quraldardy, ǵylymi ázirlemelerdi basyp shyǵarýǵa járdem kórsetý ekenin atap ótkim keledi», - dedi oblystyq «Qoǵamdyq kelisim» KMM basshysy Áigerim Isbekova.
Atalǵan baiqaýǵa Qaraǵandy oblysynyń 35 jasqa deiingi barlyǵy 15-ten astam jas zertteýshileri, magistranttary, doktoranttary, oqý oryndarynyń qyzmetkerleri jáne qoǵam qairatkerleri qatysty. Al baiqaýdyń ózi «Qazaqstan Respýblikasy Táýelsizdiginiń 30-jyldyq mereitoiy: jetistikter, tájiribe jáne syn-tegeýrinder», «Qazaqstan Respýblikasynyń Tuńǵysh Prezidenti - Elbasy N.Á.Nazarbaevtyń jahandyq bastamalary kontekstindegi beibitshilik pen kelisim ideiasy», «Qazaqstan halqy Assambleiasy etnosaralyq jáne konfessiiaaralyq birlik pen kelisimdi nyǵaitý jáne damytý institýty retinde», «Qazaq ziialylarynyń ulttyq memlekettilikti qalyptastyrýǵa qosqan úlesi», «Iadrolyq qarýsyz álemge jol. Ekologiialyq qaýipsizdik jáne «Taza tabiǵat» áleýmettik bastamasy» baǵyttarynda uiymdastyryldy.
«Meniń «Qazaqstan aýmaǵynda turatyn káristerdiń tarihy men búgini» atty ǵylymi jobamnyń úzdik shyqqanyna óte qýanyshtymyn. Ǵylym joly ońai jol emes. Men bul taqyrypqa aiaq asty kele qalǵan joqpyn. Stýdent kzeimnen qyzyǵyp, zerttep júrgen taqyrybym. Magistrlyq dissertatsiiamdy da osy baǵytta zerttep jatyrmyn. Jas ǵalymdarǵa arnalǵan mundai jobalardyń kóptep uiymdastyrylǵanyn qalar edim. Óitkeni Qazaqstannyń ǵylymyn órkendetý úshin el ishindegi jas ǵalymdardy qoldaý kerekpiz», - dedi Akademik E.A. Bóketov atyndaǵy Qaraǵandy ýniversiteti fizika-matematika fakýltetiniń magistranty Aibyn Jamanhan.
Sonymen, joba jarysy barysynda Qazaqstan Respýblikasynyń iadrolyq qarýsyz álem doktrinasyn qoldaý jáne qamtamasyz etý jónindegi qyzmeti – avtory áleýmettik ǵylymdar magistri, Akademik E.A. Bóketov atyndaǵy Qaraǵandy ýniversitetiniń tarih fakýlteti, «Dúniejúzilik tarih jáne halyqaralyq qatynastar» kafedrasynyń zerthanashysy Rústem Smanov, Ahmet Baitursynovtyń «Ádebiet tanytqysh» eńbegindegi sóz óneriniń teoriialyq máseleleri – avtory pedagogika ǵylymdarynyń magistri, Qaztutynýodaǵy Qaraǵandy ýniversitetiniń áleýmettik-gýmanitarlyq pánder kafedrasynyń oqytýshysy Ásel Qojakmetova, Qazaqstan aýmaǵynda turatyn káristerdiń tarihy men búgini– avtory Akademik E.A. Bóketov atyndaǵy Qaraǵandy ýniversiteti fizika-matematika fakýltetiniń magistranty Aibyn Jamanhan, Qazaqtardyń mádeni-sharýashylyq keshenindegi ortalyq Qazaqstannyń saýda tarihy - avtory aspirant, «№86 JBBM» KMM Qazaqstan jáne dúniejúzi tarihy muǵalimi Erlan Artyqbaev, «Qazaq tilin úirenýge jaǵymdy áser etetin faktorlar men jaǵdailar» - avtory pedagogika ǵylymdarynyń magistri, Osakarov aýdany «№2 JBBM» KMM qazaq tili men ádebieti muǵalimi Áliia Mustafina, Qazaqstanda kópbalaly otbasylardyń áleýmettik máselelerin sheshýdegi memlekettik saiasat - avtory áleýmettik ǵylymdar magistri, «№66 JBBOM KMM» ǵylymi zerthanashysy Aida Ekpinbai jobalary úzdik dep tanyldy.
Uiymdastyrýshylardyń aitýynsha, jobanyń praktikalyq mańyzdylyǵy - zertteý jumysynyń nátijelerin oqý oryndarynda oqytýshylar jáne stýdentter Qazaqstan halqy Assambleiasynyń róli men qyzmeti týraly synyp jáne kýratorlyq saǵattar, seminarlar men dóńgelek ústelder daiyndaǵanda qoldana alady.
Esterińizge sala keteiik, Qazaqstan halqy Assambleiasy jáne Qaraǵandy oblysy ishki saiasat basqarmasynyń «Qoǵamdyq kelisim» KMM uiymdastyrýymen, Qaraǵandy oblysy QHA Qazaqstan Respýblikasynyń Tuńǵysh Prezidenti - Elbasy N.Á.Nazarbaevtyń qoǵamdyq kelisim men jalpyulttyq birliktiń qazaqstandyq úlgisine arnalǵan úzdik ǵylymi jobalary oblystyq konkýrsyn qorytyndylady. Ǵalymdardyń, sarapshylardyń, doktoranttar men magistranttardyń ǵylymi-zertteý jumystaryn beibitshilik pen kelisim ideialaryn qoldaý, jinaqtaýǵa baǵyttalǵan ǵylymi zertteýlerdi daiyndaýǵa kómektesý maqsatynda uiymdastyrylǵan baiqaýdyń qorytyndysyn «Qoǵamdyq kelisim» KMM basshysy Áigerim Isbekova jariialady.
