Qaraǵandyda qylmystyq top músheleri 2016-2020 jyldar aralyǵynda jalǵan shot-faktýralardy jazý boiynsha zańsyz qyzmetpen ainalysqan.
Qylmystyq top músheleleri QR Qarjy ministrligi Qarjy monitoringi komitetiniń Qaraǵandy oblysy boiynsha Ekonomikalyq tergeý departamenti qyzmetkerleri júrgizgen jedel-tergeý is-sharalarynyń nátijesinde qolǵa túsken, dep habarlaidy "Ult aqparat".
Atalmysh organnyń baspasóz qyzmetiniń málimetterine qaraǵanda, tergeý barysynda 7 adamnan turatyn top jalǵan kelisimsharttar jasaý jáne shyǵyndardy jasandy kóbeitý arqyly biýdjetke salyq tóleýden jaltarý kezinde salyq tóleýshiler-kontragentterge kómektesý maqsatynda baqylaýda ustaǵan 13 kásiporyn qurǵany anyqtaldy.
Atalǵan adamdardyń qylmystyq is-áreketinen memleketke keltirilgen jalpy zalal kólemi 700 million teńgeden asady.
«7 kúdiktige qatysty eshqaida ketpeý týraly qolhat, 1 kúdiktige qatysty úiqamaq túrinde bultartpaý sharasy qoldanyldy. Qylmystyq is bekitilgen aiyptaý aktisimen sotqa joldandy»,-delingen QR Qarjy ministrligi Qarjy monitoringi komitetiniń baspasóz qyzmeti taratqan aqparatta.
