«Uly Abaidyń izimen: rýhani sapar» atty ekspeditsiia Qaraǵandydan Semeige jol tartty. Sapardy «Aq jol» partiiasynyń músheleri uiymdastyrdy. Partiia belsendileri Uly qazaq aqynynyń oryndaryn aralap, onyń eńbekteriniń jańa qyrlaryn zertteýge nietti, dep habarlaidy "Ult aqparat".
Qaraǵandylyq qoǵam belsendileri rýhani saparǵa attandy. «Aqjol» partiiasy uiymdastyrǵan ekspeditsiia Uly Abaidyń izimen el aralap, onyń eńbekterin zertteý josparlanýda. Osylaisha ekspeditsiia qatysýshylary Abaidyń Qara sózderiniń jańa qyrlaryn ashýǵa nietti.
Belsendiler turǵyndarmen kezdesý olardyń negizgi ideialarynyń jańa maǵynalaryn tabýǵa kómektesetinine senimdi. 4 kún ishinde avtokerýen myńdaǵan shaqyrym jol júrip ótedi.
Osy ýaqyt aralyǵynda ekspeditsiia músheleri Qaraǵandy – Qarqaraly – Qaraǵaily – Qainar - Sarjal – Qaratal – Jidebai – Aqshoqy – Eńlik-Kebek úńgiri – Muhtar Áýezovtyń aýyly Bórili – Semei qalasyndaǵy Abai murajaiy – Egindibulaq – Úshqara – Qaraǵandy baǵytynda jol júrýdi josparlap otyr.
«Abai jáne parlamentarizm», «Abai jáne kóppartiialyq júie», «Abai jáne demokratiia». Árine, bul máselelerdi aitqan kezde qazirgi terminologiiaǵa Abai atamyzdyń eńbekteri jaýap bermeitin siiaqty bolyp kórinýi múmkin. Biraq, ózińiz bilesiz, Abaidyń eńbekteri astarly. Sol astarly, qundy, áli de zerttelmegen jaqtaryn zerttep, qazirgi bizdiń Prezidentimiz Qasym-Jomart Toqaev aitqandai, ulttyń jańa keipin tabý - osy avtosherýdegi bizdiń negizgi maqsatymyz», - dep túsindirdi «Aqjol» demokratiialyq partiiasy Qaraǵandy oblystyq filialy direktorynyń orynbasary Beibit Qulmaǵanbet.
