Foto: pixabay
Týristik firmanyń basshysy 2022 jyldyń jeltoqsanynan 2023 jyldyń tamyzyna deiin 21 klientti aldaǵan. Týristik qyzmet kórsetý, qaladaǵy keńse jáne klienttik baza boiynsha tájiribesi bar qaraǵandylyq sáikes baǵytta qyzmet túri bar JShS quryp, ony basqarǵan.
Týristik qyzmet kórsetýge shart jasasyp, jaqyn jáne alys shetelderge saparǵa shyǵýǵa joldama satqan. Jábirlenýshilermen jasalǵan sharttar boiynsha JShS direktory olardyń 24 mln teńgeden astam aqshasyn jymqyrǵan.
- 2023 jyldyń 4-10 tamyzy aralyǵynda otbasymen Túrkiiaǵa demalýǵa ushýǵa sheshim qabyldaǵan Astana turǵyny JShS shotyna 2,5 mln teńgeni tańdap, 5 adamǵa joldamaǵa qarajat tólegen. Óziniń otbasynyń astanalyq áýejaidan jáne Túrkiiadaǵy qonaqúilerinen ushatyn reisteri tirkelmegenin jáne brondalmaǵanyn bilgen ol Qaraǵandyǵa barǵan, ol jerde JShS direktory kezdesken máselelerin aityp, aqshany qaitarýǵa ýáde bergen, biraq tek 380 myń teńgesin qaitarǵan. JShS-nen onyń paidasyna 2,2 mln teńge óndirý týraly bekitilgen mediatsiialyq kelisimge qaramastan, oǵan qatysty azamattyq talap qoiýdy tolyq kólemde qanaǵattandyrýdy talap etken, - delingen Joǵarǵy sot habarlamasynda.
Sottalýshynyń alaiaqtyq boiynsha kinási qylmystyq is materialdarymen, jábirlenýshilerdiń, kýálardyń aiǵaqtarymen, aqsha aýdarylǵany týraly málimettermen, týroperatorlardyń jaýaptarymen dáleldendi.
Prokýror sottalýshyny 6 jylǵa bas bostandyǵynan, 5 jylǵa belgili bir qyzmetpen ainalysý quqyǵynan aiyrýdy suraǵan.
Jábirlenýshiler qatań jaza qoldanýdy jáne talap qoiýlaryn qanaǵattandyrýdy talap etti.
Sottalýshy keltirilgen azamattyq talaptardy tolyq moiyndap, kinásin moiyndamai, aqtaýdy surady.
- Qylmystyq kodekstiń 190-babynyń 3-bóliginiń sanktsiiasynda – múlki tárkilenip, belgili bir laýazymdardy atqarý nemese belgili bir qyzmetpen ainalysý quqyǵynan 6 jylǵa deiingi merzimge aiyra otyryp nemese onsyz 3 jyldan 7 jylǵa deiin shekteý nemese bas bostandyǵynan aiyrý jazasy qarastyrylǵan. Qaraǵandy qalasy, Qazybekbi aýdandyq soty alaiaqtyq jasady dep aiyptalǵan sottalýshyǵa qatysty qylmystyq isti qarap (QK-niń 190-babynyń 3-bóligi, 3,4-tarmaqtary), asyraýynda qart ata-anasynyń bolýyn jáne buryn sottylyǵynyń joqtyǵyn moiyndady, aýyrlatatyn mán-jailar anyqtalmaǵan, - delingen habarlamada.
Sottalýshy 4 jyl 6 aiǵa bas bostandyǵynan, 3 jylǵa týristik qyzmetpen ainalysý quqyǵynan aiyryldy.
Jábirlenýshilerdiń azamattyq talap qoiýlary qanaǵattandyryldy.
Sottyń úkimi zańdy kúshine engen joq.
Eske sala ketsek, Jetisý oblysynyń turǵyny alaiaqtyq jasaǵany úshin 7 jylǵa bas bostandyǵynan aiyrylǵany týraly habarlaǵan bolatynbyz.
