© Sputnik
Qaraǵandyda eki páterli úi órtenip, eki búldirshin qaitys boldy, dep habarlaidy oblystyq tótenshe jaǵdailar departamentiniń baspasóz qyzmeti.
"Prishahtinskaia kóshesinde ornalasqan eki páterli turǵyn úi órtendi. Tótenshe jaǵdai qyzmetkerleri kelgenge deiin 2017 jáne 2015 jylǵy eki bala ózdiginen shyǵyp, balalar klinikalyq aýrýhanasyna kómirqyshqyl gazymen ýlaný diagnozymen jetkizildi. Qutqarýshylar úiden 2020 jáne 2022 jylǵy eki balanyń denelerin tapty", - deidi vedomstvodan.
Oqiǵa ornyna jedel kelgen órt sóndirýshiler 1964 jylǵy áieldi qutqarǵan. Ol Maqajanov atyndaǵy klinikaǵa kómirqyshqyl gazymen ýlaný jáne kúiiktermen jetkizildi.
Qutqarýshylar órt elektr symdarynyń qysqa tuiyqtalýynan shyqty dep boljap otyr. Órt faktisi boiynsha qylmystyq is qozǵalyp, saraptamalar jasalyp jatyr.
