Qaraǵandyda oblystyq perinataldyq ortalyqtardyń birinde tórtem dúniege keldi, - dep habarlaidy Tengrinews.kz.
Qaraǵandylyq 32 jastaǵy Regina Gorh tórt balanyń anasy atandy. Biyl 4 sáýirde ol úsh ul men bir qyzdy dúniege ákeldi. Regina Gorh balalaryna erekshe esimder berdi: Emma, Vilgelm, Iogann, Gotlib. Áiel men onyń balalaryn perinataldyq ortalyqtan ákesi kútip aldy.
Dárigerlerdiń aitýynsha, Reginanyń júktiligi aýyr ótken. Tórt balany kútkendikten ol 28-aptada perinataldyq ortalyqqa jetkizilgen. Akýsher-ginekologtardyń arqasynda sábiler anasynyń qursaǵynda jatyp, qajetti kúsh pen salmaqty jinady. Oblystyq densaýlyq saqtaý basqarmasynyń baspasóz qyzmetindegiler bul áieldiń alǵashqy júktiligi bolǵanyn aityp ótti.
"Sábiler 4 sáýirde kesir tiligimen dúniege keldi. Balalardy kópten kútti. Biz de qatty ýaiymdadyq. Kez kelgen neonataolog birden tórt balany aman-esen dúniege ákeldire almaidy. Sábiler ýaqytyna jetpei týyldy, salmaqtary az. Eń irisiniń salmaǵy - 1 keli 890 gramm, sosyn 1 keli 760 gramm, úshinshi sábi 1 keli 745 gramm, al tórtinshi sábi nebári 1 keli 95 grammen dúniege keldi", - dedi Oblystyq perinataldyq ortalyqtyń direktory Sáýle Amanbekova.
Sondai-aq, dárigerlerdiń aitýynsha, sábilerdiń anasy da uzaq saýyqtyrýdan ótken. Densaýlyǵy álsiregen. Biraq perinataldyq ortalyqtyń dárigerleri onyń densaýlyǵyn tolyqtai qalpyna keltirgen.
Basty sýret: ǵalamtordan
