Qaraǵandyda taksi júrgizýshisin óltirgen kúdikti bir táýlik ishinde ustaldy, - dep habarlaidy Polisia.kz.
Vedomstvo málimetinshe, 27 qazanda saǵat 17.00 shamasynda Qaraǵandy qalalyq Politsiia basqarmasyna qarasty Kirov politsiia bólimine Ýchitelskaia kóshesinde birneshe pyshaq jaraqaty bar 59 jastaǵy er adam óli tabylǵany týraly habarlama túsken. Oqiǵa ornyna oblystyq Politsiia departamenti jáne qalalyq Politsiia basqarmasynyń jedel-tergeý toptary jiberilgen.
Politsiia qyzmetkerleri jábirlenýshi taksi júrgizýshisi bolyp jumys istegenin anyqtaǵan.
Bul derekke qatysty Qazaqstan Respýblikasy Qylmystyq kodeksiniń 99-baby 1-bóligine sáikes qylmystyq is qozǵalǵan.
Kriminaldyq politsiia qyzmetkerleri júrgizgen jedel-izdestirý jáne arnaiy is-sharalar barysynda asa aýyr qylmys jasady degen kúdikpen 25 jastaǵy qala turǵyny ustalǵan. Ol jolaqysyna kelispei, pyshaq jaraqatyn salǵanyn moiyndaǵan. Sodan keiin kúdikti kólikti ózi aidap ketip, JBI yqshamaýdanyna barar joldaǵy temirjol ótkeli mańyna tastap ketken.
Qylmys qarýy retinde pyshaq tárkilengen. Kúdikti ýaqytsha ustaý izoliatoryna qamalǵan. Tergeý amaldary júrgizilip jatyr.
