Qaraǵandyda aýyr naýqastarǵa arnalǵan oryndar kóbeiedi. Oblystyq klinikalyq aýrýhana bazasynda 350 tósektik pýlmoprovizorlyq gospital ashyldy, dep habarlaidy "Ult aqparat".
Qaraǵandy oblysynyń ákimi Jeńis Qasymbek meditsinalyq mekemeniń patsientterdi qabyldaýǵa qanshalyqty daiyn ekendigimen tanysty.
Gospitalda 100 tósek juqpaly, 250 tósek - pýlmoprovizorly bolady. Mekemede ÓJJ apparattarymen, patsient monitorlarymen jáne perfýzorlarmen jabdyqtalǵan jansaqtaý bólimi bar.
Epidemiologiialyq qaýipsizdik maqsatynda barlyq úi-jailar oqshaýlanyp, beinebaqylaý júiesimen jabdyqtalǵan.
Ǵimarattyń ishinde kompiýterlik tomograf ornatylǵan, al ekinshi apparat munda jaqynda qoiylady.
Gospitalda COVID-19 bar naýqastardy, sondai-aq túrli bronho-ókpe aýrýlarynan zardap shegetinderdi de qabyldaityn bolady.
«Endi bizde juqpaly aýrýlar bólimshesi ashylǵannan soń, KVI-men aýyratyn naýqastardy infektsiialyq gospitaldarǵa jiberýdiń qajeti bolmaidy. Patsient kelip túskende, biz qannyń ottegimen qanyǵý deńgeiin - satýratsiiasyn tekseremiz. Eger ol jaqsy bolsa, kompiýterlik tomografiia jasaimyz. Qajet bolǵan jaǵdaida naýqasty pýlmoprovoizorlyq bólimshege ornalastyramyz. Osy kezeńde biz koronavirýstyq infektsiiaǵa PTR-test alamyz. Eger ol oń nátije berse, naýqasty juqpaly aýrýlar bólimine aýystyramyz», - dep túsindirdi pýlmoprovizorlyq gospital basshysy Lázzat Sholanova.
Bir aýysymda 20 dáriger, 30 medbike men sanitar jumys isteidi. Sondai-aq, kómekke áskeri dárigerler de keldi. Olar juqpaly aýrýlar bólimine jetekshilik etetin bolady.
Jaqynda ǵimaratta kúrdeli jóndeý jumystary aiaqtaldy. Munda qaita jobalaý júrgizilip, gospital zamanaýi jeldetý júiesimen jabdyqtaldy.
