قاراعاندىدا اۋىر ناۋقاستارعا ارنالعان ورىندار كٶبەيەدٸ. وبلىستىق كلينيكالىق اۋرۋحانا بازاسىندا 350 تٶسەكتٸك پۋلموپروۆيزورلىق گوسپيتال اشىلدى, دەپ حابارلايدى "ۇلت اقپارات".
قاراعاندى وبلىسىنىڭ ەكٸمٸ جەڭٸس قاسىمبەك مەديتسينالىق مەكەمەنٸڭ پاتسيەنتتەردٸ قابىلداۋعا قانشالىقتى دايىن ەكەندٸگٸمەن تانىستى.
گوسپيتالدا 100 تٶسەك جۇقپالى, 250 تٶسەك - پۋلموپروۆيزورلى بولادى. مەكەمەدە ٶجج اپپاراتتارىمەن, پاتسيەنت مونيتورلارىمەن جەنە پەرفۋزورلارمەن جابدىقتالعان جانساقتاۋ بٶلٸمٸ بار.
ەپيدەميولوگييالىق قاۋٸپسٸزدٸك ماقساتىندا بارلىق ٷي-جايلار وقشاۋلانىپ, بەينەباقىلاۋ جٷيەسٸمەن جابدىقتالعان.
عيماراتتىڭ ٸشٸندە كومپيۋتەرلٸك توموگراف ورناتىلعان, ال ەكٸنشٸ اپپارات مۇندا جاقىندا قويىلادى.
گوسپيتالدا COVID-19 بار ناۋقاستاردى, سونداي-اق تٷرلٸ برونحو-ٶكپە اۋرۋلارىنان زارداپ شەگەتٸندەردٸ دە قابىلدايتىن بولادى.
«ەندٸ بٸزدە جۇقپالى اۋرۋلار بٶلٸمشەسٸ اشىلعاننان سوڭ, كۆي-مەن اۋىراتىن ناۋقاستاردى ينفەكتسييالىق گوسپيتالدارعا جٸبەرۋدٸڭ قاجەتٸ بولمايدى. پاتسيەنت كەلٸپ تٷسكەندە, بٸز قاننىڭ وتتەگٸمەن قانىعۋ دەڭگەيٸن - ساتۋراتسيياسىن تەكسەرەمٸز. ەگەر ول جاقسى بولسا, كومپيۋتەرلٸك توموگرافييا جاسايمىز. قاجەت بولعان جاعدايدا ناۋقاستى پۋلموپروۆويزورلىق بٶلٸمشەگە ورنالاستىرامىز. وسى كەزەڭدە بٸز كوروناۆيرۋستىق ينفەكتسيياعا پتر-تەست الامىز. ەگەر ول وڭ نەتيجە بەرسە, ناۋقاستى جۇقپالى اۋرۋلار بٶلٸمٸنە اۋىستىرامىز», - دەپ تٷسٸندٸردٸ پۋلموپروۆيزورلىق گوسپيتال باسشىسى لەززات شولانوۆا.
بٸر اۋىسىمدا 20 دەرٸگەر, 30 مەدبيكە مەن سانيتار جۇمىس ٸستەيدٸ. سونداي-اق, كٶمەككە ەسكەري دەرٸگەرلەر دە كەلدٸ. ولار جۇقپالى اۋرۋلار بٶلٸمٸنە جەتەكشٸلٸك ەتەتٸن بولادى.
جاقىندا عيماراتتا كٷردەلٸ جٶندەۋ جۇمىستارى اياقتالدى. مۇندا قايتا جوبالاۋ جٷرگٸزٸلٸپ, گوسپيتال زاماناۋي جەلدەتۋ جٷيەسٸمەن جابدىقتالدى.
