Qaraǵandyda taǵy bir qarjy piramidasynyń joly kesildi. Bul týraly Qarjylyq monitoring agenttigi habarlady.
Piramidany uiymdastyrýshy azamattardan investitsiia tartý úshin WhatsApp-ta toptar qurǵan. Qylmystyq shema qatysýshylardyń eki baǵyt boiynsha qarajatyn tartýdan turdy.
"Birinshisi – jańa qatysýshylardy tartý arqyly salym somasynyń 70%-y kóleminde syiaqy tóleýge ýáde berip, 4 kúnnen 5 kúnge deiingi merzimge azamattardan investitsiia jinaqtaý. Ekinshisi – «Ctandart», «Vip» jáne «Premium» degen úsh pozitsiiaǵa azamattardan investitsiia tartý, 150 000 teńgeden 10 000 000 teńgege deiingi salymdar somasynda qarajat jinaqtaý.
Qylmysker is júzinde kásipkerlik qyzmetpen ainalyspaǵan. Salymdar mobildi banking arqyly qabyldandy" - delingen habarlamada.
Atalǵan fakti boiynsha sotqa deiingi tergeý bastaldy. Zań buzǵan azamatsha qarjylyq piramidany qurýyna qatysty kinásin moiyndaǵan. Qazirgi ýaqytta jedel-izdestirý sharalary júrgizilip jatyr.
QR QPK 201-babyna sáikes ózge málimetter jariia etilmeidi.
