Foto: ashyq derekkóz
Qaraǵandy oblysy boiynsha Qarjy monitoringi agenttiginiń departamenti "Sincere Systems Group" qarjy piramidasynyń qurylymdyq bólimshesin qurý jáne basqarý faktisi boiynsha sotqa deiingi tergeýdi aiaqtady, dep habarlaidy Ult.kz.
Qarjy shemasy sheteldik investitsiialyq kompaniia retinde kórinip, azamattarǵa joǵary tabys ákeletin jobalarǵa — meditsinalyq kannabis ósirý men satý, sondai-aq ózge de «innovatsiialyq» baǵyttarǵa investitsiia salýdy usynǵan.
Alaiaqtyq shemany zańdy etip kórsetý maqsatynda jeke kabinetteri bar arnaiy sait jasalyp, qoldanýshylar SWP jáne SWCT ishki tokenderi arqyly shottaryn tolyqtyryp, keiin olardy fiat aqshaǵa aiyrbastai alǵan. Alaida, salymshylardyń aqshasy kúdiktilerdiń jeke qajetine jumsalǵany anyqtaldy.
Tergeý barysynda keltirilgen zalaldyń jalpy somasy 52 million teńgeden asqany belgili boldy.
Sottyń sanktsiiasymen Astana jáne Temirtaý qalalarynda ornalasqan, jalpy quny 76 million teńge bolatyn kúdiktilerdiń jyljymaityn múlkine tyiym salyndy. Sonymen qatar, olarǵa qatysty úi qamaqqa alý jáne elden shyqpaý týraly qolhat túrindegi bultartpaý sharalary qoldanyldy.
Qylmystyq is sotqa joldandy.
