فوتو: اشىق دەرەككٶز
قاراعاندى وبلىسى بويىنشا قارجى مونيتورينگٸ اگەنتتٸگٸنٸڭ دەپارتامەنتٸ "Sincere Systems Group" قارجى پيراميداسىنىڭ قۇرىلىمدىق بٶلٸمشەسٸن قۇرۋ جەنە باسقارۋ فاكتٸسٸ بويىنشا سوتقا دەيٸنگٸ تەرگەۋدٸ اياقتادى, دەپ حابارلايدى Ult.kz.
قارجى سحەماسى شەتەلدٸك ينۆەستيتسييالىق كومپانييا رەتٸندە كٶرٸنٸپ, ازاماتتارعا جوعارى تابىس ەكەلەتٸن جوبالارعا — مەديتسينالىق كاننابيس ٶسٸرۋ مەن ساتۋ, سونداي-اق ٶزگە دە «يننوۆاتسييالىق» باعىتتارعا ينۆەستيتسييا سالۋدى ۇسىنعان.
الاياقتىق سحەمانى زاڭدى ەتٸپ كٶرسەتۋ ماقساتىندا جەكە كابينەتتەرٸ بار ارنايى سايت جاسالىپ, قولدانۋشىلار SWP جەنە SWCT ٸشكٸ توكەندەرٸ ارقىلى شوتتارىن تولىقتىرىپ, كەيٸن ولاردى فيات اقشاعا ايىرباستاي العان. الايدا, سالىمشىلاردىڭ اقشاسى كٷدٸكتٸلەردٸڭ جەكە قاجەتٸنە جۇمسالعانى انىقتالدى.
تەرگەۋ بارىسىندا كەلتٸرٸلگەن زالالدىڭ جالپى سوماسى 52 ميلليون تەڭگەدەن اسقانى بەلگٸلٸ بولدى.
سوتتىڭ سانكتسيياسىمەن استانا جەنە تەمٸرتاۋ قالالارىندا ورنالاسقان, جالپى قۇنى 76 ميلليون تەڭگە بولاتىن كٷدٸكتٸلەردٸڭ جىلجىمايتىن مٷلكٸنە تىيىم سالىندى. سونىمەن قاتار, ولارعا قاتىستى ٷي قاماققا الۋ جەنە ەلدەن شىقپاۋ تۋرالى قولحات تٷرٸندەگٸ بۇلتارتپاۋ شارالارى قولدانىلدى.
قىلمىستىق ٸس سوتقا جولداندى.
