Qaraǵandyda shaǵyn nesie uiymynyń kassirin órtep jiberemin dep qorqytyp, qaraqshylyq jasaǵan kúdiktiler ustaldy, dep habarlaidy "Ult aqparat".
Eske sala keteiik, oqiǵa 9 aqpan kúni boldy. Qaraǵandyda belgisiz eki azamat shaǵyn nesie berý uiymdarynyń birine qaraqshylyq shabýyl jasaǵan bolatyn. Kassirge benzin quiyp, olar úi-jaidy órtep jiberemiz dep qorqytyp, kassadaǵy aqshany iemdengen bolatyn.
Oqiǵadan keiin dereý Qaraǵandy oblysy PD tájiribeli qyzmetkerlerinen jedel top quryldy. Bir kúnnen keiin kúdiktiler ustaldy.
«Jedel-izdestirý sharalary barysynda kriminaldyq politsiia qyzmetkerleri 19 jáne 28 jastaǵy eki kúdiktini ustady. Olar istegen isterin moiyndady. Sotqa deiingi tergeý amaldary júrgizilýde», - dedi Qaraǵandy oblysy politsiia departamentiniń bastyǵy Erlan Faizýllin.
