© ekaraganda.kz
Áleýmettik jelide 23 qyrkúiekte Qaraǵandyda bolǵan atys túsirilgen video paida boldy, - dep habarlaidy Tengrinews.kz agenttigi eKaraganda saityna silteme jasap.
Politsiia málimetinshe, belgisiz bireýler jergilikti turǵynnyń ómirine qastandyq jasap, keiin kólikpen qashpaq bolǵan. "Lada" kóligi qala syrtynda tabyldy. Al kúdiktilerdiń biri tutqyndaý kezinde politseidi jaralaǵan.
Oqiǵa beinebaqylaý kameralaryna túsip qalǵan. Kadrlarda "Ladadan" turaqtan shyǵyp kele jatqan BMW X6 kóligine qalai oq atylǵany kórsetilgen. Atystan keiin BMW júrgizýshisi jolǵa shyǵyp ketedi. "Lada" osy ýaqytta qashpaq bolyp, jolda kele jatqan Toyota Avensis kóligine soqtyǵysady.
Jol-kólik oqiǵasyna tap bolǵan Toyota Avensis júrgizýshisi oqiǵanyń kýágeri bolypty. Ol kórgenin aityp bergen.
"Lada" kóligi meni soqqan ýaqytty naqty bilemin. Saǵat 11.27 bolǵan. Sol kezde soqtyǵys boldy. Men Shahterov dańǵylymen emhanaǵa kele jatqanmyn. Jaqyndap, baiaý júrip kele jattym. Jaiaý júrginshiler ótkeline jetpei, BMW shyqty. Sodan keiin oń jaqtan sur "Lada" shyǵyp, meniń kóligimdi soqty. Sodan keiin "Lada" oqiǵa ornynan qashyp, "Magnýmǵa" qarai bet aldy. Olardyń nómirleri sol jerde qaldy", - dedi Gúlnar.
Áiel atys sátin kórmegen, biraq qatty dybystardy jaqsy estigen.
"Ol kólikke sońyna deiin qaradym. Nómirin este saqtaýǵa tyrystym. Sosyn politsiiaǵa qońyraý shaldym. Qaraǵandynyń túkpir-túkpirinen politsiia keldi. Tek jol politsiiasy ǵana emes, basqa bólimsheler de keldi. Ol "Ladanyń" nómirleri reseiik. Júrgizýshiniń saqtandyrýy, árine, joq shyǵar", - deidi áiel.
Qaraǵandy oblysy PD baspasóz qyzmeti jol apaty deregine qatysty ázirge túsinikteme bergen joq. Tergeý, sonyń ishinde jol-kólik oqiǵasy qylmystyq is aiasynda júrgiziletini aityldy.
