Ońtústik-Shyǵys politsiia bóliminiń aqparattandyrý jáne bailanys tobynyń inspektory mefedron satyp alýǵa kómekteskeni jáne esirtkini zańsyz saqtaǵany úshin sottaldy, - dep habarlaidy Tengrinews.kz.
Qylmystyq is materialdaryna sáikes, politsiia aǵa leitenanty esirtkini ózi paidalanyp, tanysyna mefedron alýǵa kómektesken. Alaida esirtki satýmen ainalyspaǵan.
Ol ustalǵanǵa deiin baqylaýǵa alynǵan. Tintý kezinde politsiia qyzmetkeriniń úiinen mefedron qaldyqtary tabylǵan.
Politsiia qyzmetkerine qatysty qylmystyq is Qylmystyq kodekstiń 28-baby 5-bóligi jáne 296-baby 3-bóligi, sondai-aq 296-baby 2-bóligi boiynsha sotqa joldanǵan.
Sottalýshy óz kinásin moiyndamaǵan. Ol tek esirtki qoldanǵanyn moiyndady. Bul saraptamalar qorytyndysy boiynsha dáleldengen. Ol aiyppul tóleýge qatysty jaza taǵaiyndaýdy suraǵan.
Qazybek bi aýdandyq soty politsiia qyzmetkerin taǵylǵan baptar boiynsha kináli dep tanyp, 100 AEK kóleminde aiyppul tóleýge úkim shyǵardy. Sondai-aq, oǵan nashaqorlyqtan májbúrlep emdeý taǵaiyndalǵan. Ol "aǵa leitenant" arnaiy ataǵynan aiyrylǵan.
