وڭتٷستٸك-شىعىس پوليتسييا بٶلٸمٸنٸڭ اقپاراتتاندىرۋ جەنە بايلانىس توبىنىڭ ينسپەكتورى مەفەدرون ساتىپ الۋعا كٶمەكتەسكەنٸ جەنە ەسٸرتكٸنٸ زاڭسىز ساقتاعانى ٷشٸن سوتتالدى, - دەپ حابارلايدى Tengrinews.kz.
قىلمىستىق ٸس ماتەريالدارىنا سەيكەس, پوليتسييا اعا لەيتەنانتى ەسٸرتكٸنٸ ٶزٸ پايدالانىپ, تانىسىنا مەفەدرون الۋعا كٶمەكتەسكەن. الايدا ەسٸرتكٸ ساتۋمەن اينالىسپاعان.
ول ۇستالعانعا دەيٸن باقىلاۋعا الىنعان. تٸنتۋ كەزٸندە پوليتسييا قىزمەتكەرٸنٸڭ ٷيٸنەن مەفەدرون قالدىقتارى تابىلعان.
پوليتسييا قىزمەتكەرٸنە قاتىستى قىلمىستىق ٸس قىلمىستىق كودەكستٸڭ 28-بابى 5-بٶلٸگٸ جەنە 296-بابى 3-بٶلٸگٸ, سونداي-اق 296-بابى 2-بٶلٸگٸ بويىنشا سوتقا جولدانعان.
سوتتالۋشى ٶز كٸنەسٸن مويىنداماعان. ول تەك ەسٸرتكٸ قولدانعانىن مويىندادى. بۇل ساراپتامالار قورىتىندىسى بويىنشا دەلەلدەنگەن. ول ايىپپۇل تٶلەۋگە قاتىستى جازا تاعايىنداۋدى سۇراعان.
قازىبەك بي اۋداندىق سوتى پوليتسييا قىزمەتكەرٸن تاعىلعان باپتار بويىنشا كٸنەلٸ دەپ تانىپ, 100 اەك كٶلەمٸندە ايىپپۇل تٶلەۋگە ٷكٸم شىعاردى. سونداي-اق, وعان ناشاقورلىقتان مەجبٷرلەپ ەمدەۋ تاعايىندالعان. ول "اعا لەيتەنانت" ارنايى اتاعىنان ايىرىلعان.
