Qaraǵandy farmatsevtikalyq kesheni Qazaqstan Respýblikasynyń aýmaǵynda «Gam-KOVID-Vak» («Spýtnik – V») koronavirýs infektsiiasyna qarsy vaktsinany tirkeý rásimin aiaqtady, dep habarlandy QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram paraqshasynda.
Kásiporynnyń baspasóz qyzmeti habarlaǵandai, 13 aqpanda QR Densaýlyq saqtaý ministrliginiń Saraptama uiymy tirkeý dereknamasynyń materialdaryn qaraý nátijesi boiynsha vaktsinanyń qaýipsizdigi, sapasy men tiimdiligi týraly qorytyndy bergen.
Atalǵan qorytyndy negizinde QR DSM Meditsinalyq jáne farmatsevtikalyq baqylaý komitetine tirkeý kýáligin alýǵa ótinim joldandy. Osylaisha, Qazaqstan «Spýtnik-V» vaktsinasyn qoldanýdy maquldaǵan 27-shi memleket boldy. Búgingi kúni vaktsina Resei, Belarýs, Argentina, Boliviia, Serbiia, Aljir, Palestina, Venesýela, Paragvai, Túrikmenstan, Majarstan, BAÁ, Iran, Gvineia Respýblikasy, Týnis, Armeniia, Meksika, Nikaragýa, Serb Respýblikasy (Bosniia jáne Gertsegovina entiteti), Livan, Mianma, Pákistan, Mońǵoliia jáne Bahrein siiaqty memleketterde tirkelgen.
Esterińizge sala keteiik, Qazaqstanda vaktsina óndirý týraly sheshim QR Densaýlyq saqtaý ministrligi men Reseidiń tikelei investitsiialar qorynyń komissiiasy qazaqstandyq farmatsevtikalyq kásiporyndaryna júrgizilgen saraptamalarynyń nátijesinde qabyldanǵan bolatyn. QFK alańy reseilik sýbstantsiiadan daiyn ónimdi óndirýge anaǵurlym daiyn bolyp shyqty. RTIQ mamandary júrgizgen tehnikalyq aýdit nátijesi óndiristik alańnyń koronavirýsqa qarsy vaktsinanyń daiyn túrin shyǵarý úshin barlyq talaptarǵa sáikes keletinin rastady.
Aqpan aiynyń sońynda elimizdiń barlyq óńirlerine QFK óndirgen «Spýtnik - V» vaktsinasynyń 90 myńǵa jýyq dozasyn jetkizý josparlanyp otyr. Densaýlyq saqtaý ministrliginde atap ótkendei, Qazaqstanda jergilikti ázirleýshilerdń bolýy, sondai-aq vaktsinalar óndirisi úshin jergilikti alańdardyń bolýy – bul vaktsinamen qamtamasyz etýge bailanysty táýekelderdi azaitýǵa jáne elimizdiń epidemiologiialyq ahýalynyń turaqtanýyna eleýli yqpal etýge múmkindik beredi.
