Foto: inkaraganda.kz
Belgisiz bireýler Telegram jelisinde qaladaǵy 14 mektepke birdei shabýyl jasaimyz dep videoúndeý taratqan. Osydan soń Qaraǵandyda oqý oryndarynyń mańynda qaýipsizdik sharalary kúsheitildi, dep habarlaidy KTK jańalyqtary.
Videoúndeýde betperde kigen adam qolyna qarý ustap turyp sóilegen. Ol oqýshylardy "atyp, pyshaqtap, denelerin qatar-qatar jatqyzamyz" dep qorqytqan. Sondai-aq shamamen 20 adamnan turatyn "terroristik top" bar ekenin jáne Qaraǵandydaǵy 14 mektepke shabýyl josparlanyp otyrǵanyn málimdegen. Alǵashqy shabýyl qalanyń shetinde ornalasqan №61 mektepten bastalatynyn aitqan.
Qaýipsizdik maqsatynda mektepterge jedel túrde qosymsha kúzet qoiylyp, ǵimarattardyń mańynda politsiia qyzmetkerleriniń kezekshiligi uiymdastyryldy.
Politsiianyń málimetinshe, bul habarlama shetel aýmaǵynan jiberilýi múmkin, al shabýyl daiyndalyp jatqany týraly aqparat rastalǵan joq.
"Qazirgi ýaqytta atalǵan aqparatty taratqan tulǵalardy anyqtaý jáne ustaý maqsatynda jedel-izdestirý sharalary júrgizilýde. Áleýmettik jeliler men messendjerler arqyly ádeii jalǵan aqparat taratý – qylmystyq jaýapkershilikke jatatyn áreket jáne ol bas bostandyǵynan aiyrýǵa deiingi jazaǵa ákep soǵýy múmkin", – dedi Qaraǵandy oblysy politsiia departamentiniń resmi ókili Baqytjan Qudiiarov.
