Qaraǵandy oblysynyń ákimi Erlan Qoshanov oblystyq klinikalyq aýrýhananyń jóndeý jumystarymen tanysty, dep habarlaidy óńir basshysynyń resmi saity.
Oblystyq klinikalyq aýrhananyń terapevtik korpýsynyń ǵimaraty sońǵy ret 1984-shi jyly jóndelgen.
2016-shy jyly «Jumyspen qamtý jol kartasy 2020» baǵdarlamasyn júzege asyrý sheńberinde terapevtik korpýstyń shatyrynda kúrdeli jóndeý jasalyp, terezeleri aýystyryldy. 2017-shi jyly qasbeti jóndelip, mańyndaǵy aýmaǵy abattandyryldy.
- Bizdiń aýrýhana 1961-shi jyly salynǵan, sol ýaqyttan beri munda kúrdeli jóndeý jasalmaǵan, tek aǵymdaǵy jóndeý jumystary ótkizilip otyrǵan. Qazirgi tańda jóndeý aiaqtalýǵa jaqyn. Jasalǵan jumystar ákimniń kóńilinen shyqty, ol korpýsqa qajetti magnitti-rezonansty jáne kompiýterlik tomografpen jabdyqtaýǵa qatysty qosymsha tapsyrmalar berdi. Aimaq basshysy aýrýhanany demeýshiler esebinen, ne bolmasa MJÁ baǵdarlamasy boiynsha jabdyqtaýdy tapsyrdy. Bizdiń qyzmetkerler bul jańashyldyqtarǵa qatty qýanyp jatyr, - dep atap ótti aýrhana direktory Marat Ábeýov.
2018-shi jyly jóndeý barysynda 147 mln teńgeden astam qarajat igerildi. Al 2019-shy jyly bul maqsattarǵa 300 mln teńge bólindi.
