قاراعاندى وبلىسىنىڭ ەكٸمٸ ەرلان قوشانوۆ وبلىستىق كلينيكالىق اۋرۋحانانىڭ جٶندەۋ جۇمىستارىمەن تانىستى, دەپ حابارلايدى ٶڭٸر باسشىسىنىڭ رەسمي سايتى.
وبلىستىق كلينيكالىق اۋرحانانىڭ تەراپەۆتٸك كورپۋسىنىڭ عيماراتى سوڭعى رەت 1984-شٸ جىلى جٶندەلگەن.
2016-شى جىلى «جۇمىسپەن قامتۋ جول كارتاسى 2020» باعدارلاماسىن جٷزەگە اسىرۋ شەڭبەرٸندە تەراپەۆتٸك كورپۋستىڭ شاتىرىندا كٷردەلٸ جٶندەۋ جاسالىپ, تەرەزەلەرٸ اۋىستىرىلدى. 2017-شٸ جىلى قاسبەتٸ جٶندەلٸپ, ماڭىنداعى اۋماعى اباتتاندىرىلدى.
- بٸزدٸڭ اۋرۋحانا 1961-شٸ جىلى سالىنعان, سول ۋاقىتتان بەرٸ مۇندا كٷردەلٸ جٶندەۋ جاسالماعان, تەك اعىمداعى جٶندەۋ جۇمىستارى ٶتكٸزٸلٸپ وتىرعان. قازٸرگٸ تاڭدا جٶندەۋ اياقتالۋعا جاقىن. جاسالعان جۇمىستار ەكٸمنٸڭ كٶڭٸلٸنەن شىقتى, ول كورپۋسقا قاجەتتٸ ماگنيتتٸ-رەزونانستى جەنە كومپيۋتەرلٸك توموگرافپەن جابدىقتاۋعا قاتىستى قوسىمشا تاپسىرمالار بەردٸ. ايماق باسشىسى اۋرۋحانانى دەمەۋشٸلەر ەسەبٸنەن, نە بولماسا مجە باعدارلاماسى بويىنشا جابدىقتاۋدى تاپسىردى. بٸزدٸڭ قىزمەتكەرلەر بۇل جاڭاشىلدىقتارعا قاتتى قۋانىپ جاتىر, - دەپ اتاپ ٶتتٸ اۋرحانا ديرەكتورى مارات ەبەۋوۆ.
2018-شٸ جىلى جٶندەۋ بارىسىندا 147 ملن تەڭگەدەن استام قاراجات يگەرٸلدٸ. ال 2019-شى جىلى بۇل ماقساتتارعا 300 ملن تەڭگە بٶلٸندٸ.
