Búgin túnde Qaraǵandyda mas júrgizýshi turaqta turǵan 6 kólikti soǵyp ketti. Atalmysh oqiǵa saldarynan 3 adam zardap shekti, dep habarlaidy "Ult aqparat".
26 jeltoqsan kúni saǵat 02:30 shamasynda «Mersedes» avtokóliginiń 26 jastaǵy júrgizýshisi Shahterler dańǵylymen Iazev kóshesi jaǵynan Respýblika dańǵylyna qarai júrip bara jatyp qorshaýdy soǵyp ótip, Qurylysshylar dańǵylynyń boiynda 23/7 úidiń turaǵyna kirip ketip, túrli markaly 6 avtokólikti soqqan. Aldyn ala málimetter boiynsha, er adam kólikti mas kúiinde basqaryp, rólge ie bola almai qalǵan.
«Jol-kólik oqiǵasy saldarynan «Mersedes» avtokóliginiń júrgizýshisi men onyń eki jolaýshysy meditsinalyq mekemege jetkizildi. Atalǵan fakt boiynsha tiisti saraptamalar taǵaiyndaldy, tergeý júrgizilýde», - dep habarlady Qaraǵandy oblysy PD baspasóz qyzmeti.
