بٷگٸن تٷندە قاراعاندىدا ماس جٷرگٸزۋشٸ تۇراقتا تۇرعان 6 كٶلٸكتٸ سوعىپ كەتتٸ. اتالمىش وقيعا سالدارىنان 3 ادام زارداپ شەكتٸ, دەپ حابارلايدى "ۇلت اقپارات".
26 جەلتوقسان كٷنٸ ساعات 02:30 شاماسىندا «مەرسەدەس» اۆتوكٶلٸگٸنٸڭ 26 جاستاعى جٷرگٸزۋشٸسٸ شاحتەرلەر داڭعىلىمەن يازەۆ كٶشەسٸ جاعىنان رەسپۋبليكا داڭعىلىنا قاراي جٷرٸپ بارا جاتىپ قورشاۋدى سوعىپ ٶتٸپ, قۇرىلىسشىلار داڭعىلىنىڭ بويىندا 23/7 ٷيدٸڭ تۇراعىنا كٸرٸپ كەتٸپ, تٷرلٸ ماركالى 6 اۆتوكٶلٸكتٸ سوققان. الدىن الا مەلٸمەتتەر بويىنشا, ەر ادام كٶلٸكتٸ ماس كٷيٸندە باسقارىپ, رٶلگە يە بولا الماي قالعان.
«جول-كٶلٸك وقيعاسى سالدارىنان «مەرسەدەس» اۆتوكٶلٸگٸنٸڭ جٷرگٸزۋشٸسٸ مەن ونىڭ ەكٸ جولاۋشىسى مەديتسينالىق مەكەمەگە جەتكٸزٸلدٸ. اتالعان فاكت بويىنشا تيٸستٸ ساراپتامالار تاعايىندالدى, تەرگەۋ جٷرگٸزٸلۋدە», - دەپ حابارلادى قاراعاندى وبلىسى پد باسپاسٶز قىزمەتٸ.
