Qaraǵandydaǵy «Sapfir» TK qurylys alańynda 20 jastaǵy tas qalaýshy 9 qabattan qulap ketti. Jigit alǵan jaraqatynan oqiǵa ornynda kóz jumdy, dep habarlaidy QazAqparat.
Qaiǵyly oqiǵa 18 qyrkúiek kúni keshki saǵat 18:20-da bolǵan. Tas qalaýshy jas jigit «Sapfir» turǵyn úi kesheninde úi salatyn qurylys brigadasynyń quramynda jumys istegen.
«Atalǵan fakti boiynsha QR QK 156-baby 3-bóligi boiynsha qylmystyq is tirkeldi. Tiisti saraptama taǵaiyndaldy. Tergeý amaldary júrgizilip jatyr», - dep habarlady Qaraǵandy oblysy PD baspasóz qyzmeti.
Keiin bul nysanda qaitys bolǵan jigittiń aǵasy men ákesi de jumys isteitini anyqtaldy.
