Qaraǵandyda 102 telefonyna Halyqqa qyzmet kórsetý ortalyǵy (HQKO) ǵimaratynda jarylǵysh zat qoiylǵany týraly jalǵan aqparat bergen er adam ustaldy.
Izdeý barysynda tártip saqshylary 29 jastaǵy adamdy qamaýǵa aldy, dep habarlaidy QazAqparat.
Jedel-izdestirý is-sharalary barysynda Qaraǵandy oblysy PD ekstremizmge qarsy is-qimyl basqarmasynyń qyzmetkerleri kúdikti – 29 jastaǵy er adamdy anyqtap, ustady.
«Kúdikti óz kinásin moiyndady. Zattai aiǵaq – uialy telefon tárkilendi. Tergeý júrip jatyr»,-dep habarlady Qaraǵandy oblysy PD baspasóz qyzmeti.
Esterińizge sala keteiik, búgin Qaraǵandyda saǵat 9.00-de 102 telefonyna Muqanov kóshesindegi avto HQKO ǵimaratyna jarylǵysh zat qoiylǵany týraly jasyryn habarlama kelip túsip, ol jerge barlyq jedel qyzmet ókilderi jiberildi.
AvtoHQKO ǵimaratynan 31 adam evakýatsiialandy. Ony tekserý kezinde jarylǵysh zat tabylǵan joq.
Atalǵan fakti boiynsha QR QK 273-baby boiynsha sotqa deiingi tergeý bastaldy, ol 5 jylǵa bas bostandyǵynan aiyrý túrindegi sanktsiiany kózdeidi.
