قاراعاندىدا 102 تەلەفونىنا حالىققا قىزمەت كٶرسەتۋ ورتالىعى (حقكو) عيماراتىندا جارىلعىش زات قويىلعانى تۋرالى جالعان اقپارات بەرگەن ەر ادام ۇستالدى.
ٸزدەۋ بارىسىندا تەرتٸپ ساقشىلارى 29 جاستاعى ادامدى قاماۋعا الدى, دەپ حابارلايدى قازاقپارات.
جەدەل-ٸزدەستٸرۋ ٸس-شارالارى بارىسىندا قاراعاندى وبلىسى پد ەكسترەميزمگە قارسى ٸس-قيمىل باسقارماسىنىڭ قىزمەتكەرلەرٸ كٷدٸكتٸ – 29 جاستاعى ەر ادامدى انىقتاپ, ۇستادى.
«كٷدٸكتٸ ٶز كٸنەسٸن مويىندادى. زاتتاي ايعاق – ۇيالى تەلەفون تەركٸلەندٸ. تەرگەۋ جٷرٸپ جاتىر»,-دەپ حابارلادى قاراعاندى وبلىسى پد باسپاسٶز قىزمەتٸ.
ەستەرٸڭٸزگە سالا كەتەيٸك, بٷگٸن قاراعاندىدا ساعات 9.00-دە 102 تەلەفونىنا مۇقانوۆ كٶشەسٸندەگٸ اۆتو حقكو عيماراتىنا جارىلعىش زات قويىلعانى تۋرالى جاسىرىن حابارلاما كەلٸپ تٷسٸپ, ول جەرگە بارلىق جەدەل قىزمەت ٶكٸلدەرٸ جٸبەرٸلدٸ.
اۆتوحقكو عيماراتىنان 31 ادام ەۆاكۋاتسييالاندى. ونى تەكسەرۋ كەزٸندە جارىلعىش زات تابىلعان جوق.
اتالعان فاكتٸ بويىنشا قر قك 273-بابى بويىنشا سوتقا دەيٸنگٸ تەرگەۋ باستالدى, ول 5 جىلعا باس بوستاندىعىنان ايىرۋ تٷرٸندەگٸ سانكتسييانى كٶزدەيدٸ.
