Qaraǵandyda politsiia qyzmetkerlerine qarsylyq kórsetken karaoke klýbtyń kúzetshisi eki táýlikke qamaýǵa alyndy, dep habarlaidy "Ult aqparat" Polisia.kz-ke silteme jasap.
28 qarasha kúni Qaraǵandy qalasynda «Quqyqtyq tártip» jedel-profilaktikalyq is-sharasy barysynda politsiianyń Ońtústik-Shyǵys bóliminiń qyzmetkerleri saǵat 23:15-te karantin rejiminiń shekteý sharalaryn buzǵan karaoke klýbyn anyqtady.
Kóńil kóterý ornyn tekserý kezinde 26 jastaǵy kúzetshi politsiia qyzmetkerleriniń zańdy talaptaryna baǵynbaǵan. Atalǵan fakti boiynsha QR ÁQBtK-niń 667-baby 1-tarmaǵy negizinde («Quqyq qorǵaý organy qyzmetkeriniń zańdy ókimine nemese talabyna baǵynbaý») ákimshilik hattama toltyryldy. Jinalǵan material sottyń qaraýyna jiberildi.
3 jeltoqsan kúni Qaraǵandynyń mamandandyrylǵan ákimshilik sotynyń qaýlysymen tártip buzýshy eki táýlikke qamaýǵa alý túrinde ákimshilik jazaǵa tartyldy.
