قاراعاندىدا پوليتسييا قىزمەتكەرلەرٸنە قارسىلىق كٶرسەتكەن كاراوكە كلۋبتىڭ كٷزەتشٸسٸ ەكٸ تەۋلٸككە قاماۋعا الىندى, دەپ حابارلايدى "ۇلت اقپارات" Polisia.kz-كە سٸلتەمە جاساپ.
28 قاراشا كٷنٸ قاراعاندى قالاسىندا «قۇقىقتىق تەرتٸپ» جەدەل-پروفيلاكتيكالىق ٸس-شاراسى بارىسىندا پوليتسييانىڭ وڭتٷستٸك-شىعىس بٶلٸمٸنٸڭ قىزمەتكەرلەرٸ ساعات 23:15-تە كارانتين رەجيمٸنٸڭ شەكتەۋ شارالارىن بۇزعان كاراوكە كلۋبىن انىقتادى.
كٶڭٸل كٶتەرۋ ورنىن تەكسەرۋ كەزٸندە 26 جاستاعى كٷزەتشٸ پوليتسييا قىزمەتكەرلەرٸنٸڭ زاڭدى تالاپتارىنا باعىنباعان. اتالعان فاكتٸ بويىنشا قر ەقبتك-نٸڭ 667-بابى 1-تارماعى نەگٸزٸندە («قۇقىق قورعاۋ ورگانى قىزمەتكەرٸنٸڭ زاڭدى ٶكٸمٸنە نەمەسە تالابىنا باعىنباۋ») ەكٸمشٸلٸك حاتتاما تولتىرىلدى. جينالعان ماتەريال سوتتىڭ قاراۋىنا جٸبەرٸلدٸ.
3 جەلتوقسان كٷنٸ قاراعاندىنىڭ مامانداندىرىلعان ەكٸمشٸلٸك سوتىنىڭ قاۋلىسىمەن تەرتٸپ بۇزۋشى ەكٸ تەۋلٸككە قاماۋعا الۋ تٷرٸندە ەكٸمشٸلٸك جازاعا تارتىلدى.
