Qaraǵandyda qaraqshylar qaladaǵy shaǵyn nesie uiymdarynyń biriniń kassirine shabýyl jasap, ústine benzin quiyp, jaǵamyz dep qorqytqan, dep habarlaidy "Ult aqparat".
9 aqpanda saǵat 16.00-de Qaraǵandyda mikronesielik uiymdardyń biriniń úi-jaiynda belgisiz eki adam 28 jastaǵy áiel kassirge benzin quiyp jibergen. Qaraqshylar 120 myń teńge somasyndaǵy aqshany iemdengen.
«Atalǵan fakti boiynsha QR QK 192-baby «Qaraqshylyq» boiynsha qylmystyq is tirkeldi.
Kúdiktilerdi anyqtaý jáne ustaý úshin politsiia departamenti apparatynyń eń tájiribeli qyzmetkerlerinen jedel top quryldy», - dep habarlady Qaraǵandy oblysy PD baspasóz qyzmeti.
