Foto: Túrkistan oblysy ákimdiginiń baspasóz qyzmeti
Qaraǵandy oblysy prokýratýrasynyń tapsyrmasy boiynsha jeke meditsinalyq uiymnyń qyzmeti tekserildi, - dep habarlaidy "Ult aqparat" QR DSM Meditsinalyq jáne farmatsevtikalyq baqylaý komitetiniń Qaraǵandy oblysy boiynsha departamentine silteme jasap.
"Eńbek migranttaryna jumysqa ornalasý úshin 075/E nysanyndaǵy 700-den astam jalǵan meditsinalyq anyqtama berý faktileri anyqtaldy.
Jekelegen jaǵdailarda jalǵan anyqtamalar destrýktivti dini aǵymdardy ustanatyn adamdarǵa berilgen, olar keiinnen anyqtalyp, el aýmaǵynan shyǵaryldy" - delingen habarlamada.
Aita ketý kerek, meditsinalyq ortalyqta meditsinalyq tekserýden ótýdi rastaityn qujattama, sondai-aq ony júrgizýge qajetti jaǵdailar bolmaǵan.
"Meditsinalyq uiymnyń zańsyz qyzmeti azamattarymyzdyń qoǵamdyq densaýlyǵyna qaýip tóndirgen.
Qaraǵandy oblysy boiynsha Meditsinalyq jáne farmatsevtikalyq baqylaý departamenti meditsinalyq uiymnyń kináli tulǵalaryna qatysty ákimshilik sharalar qabyldady, uiymnyń qyzmetin toqtata turý týraly nusqama engizildi.
Osy fakti boiynsha sotqa deiingi tergep-tekserý organdary qylmystyq is tirkedi. Tergeý júrgizilip jatyr" - delingen departament habarlamasynda.
