Jospardan tys tekserýdiń qorytyndysyn jeleý etip, kásiporyn direktorynan 10 mln teńge para bopsalaǵany úshin ustalǵan qaraǵandylyq sheneýnik 3 jylǵa bas bostandyǵynan aiyryldy, dep habarlaidy QazAqparat.
QR Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Qaisar Barjaqsynov Antikor aqparat alańynda aitty.
«Sybailas jemqorlyqqa qarsy qyzmet tergegen qylmystyq ister boiynsha birqatar aiyptaý úkimi shyqty. Mysaly, 2021 jyldyń 21 qyrkúieginde Qaraǵandy qalasy Qazybek bi aýdandyq sotynyń úkimimen alaiaqtyq jasaǵany úshin Kenjebaeva 3 jylǵa bas bostandyǵynan aiyryldy. Onyń jazasy balasy kámelet jasyna tolǵanǵa deiin keiinge qalady. Sottalýshy qylmys jasaǵan kezde Qaraǵandy oblysy boiynsha ekologiia departamenti basshysynyń orynbasary mindetin atqardy», - dedi agenttiktiń asa mańyzdy ister jónindegi tergeýshisi.
Onyń aitýyna qaraǵanda, ekologiia departamentiniń eks-ókili jospardan tys tekserý barysynda anyqtalǵan ekologiialyq zalaldy azaitý syltaýymen jaýapkershiligi shekteýli seriktestiń direktorynan 10 mln teńge kóleminde para bopsalaǵan.
«Úkim zańdy kúshine engen joq», - dedi Qaisar Barjaqsynov.
