جوسپاردان تىس تەكسەرۋدٸڭ قورىتىندىسىن جەلەۋ ەتٸپ, كەسٸپورىن ديرەكتورىنان 10 ملن تەڭگە پارا بوپسالاعانى ٷشٸن ۇستالعان قاراعاندىلىق شەنەۋنٸك 3 جىلعا باس بوستاندىعىنان ايىرىلدى, دەپ حابارلايدى قازاقپارات.
قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اسا ماڭىزدى ٸستەر جٶنٸندەگٸ تەرگەۋشٸسٸ قايسار بارجاقسىنوۆ Antikor اقپارات الاڭىندا ايتتى.
«سىبايلاس جەمقورلىققا قارسى قىزمەت تەرگەگەن قىلمىستىق ٸستەر بويىنشا بٸرقاتار ايىپتاۋ ٷكٸمٸ شىقتى. مىسالى, 2021 جىلدىڭ 21 قىركٷيەگٸندە قاراعاندى قالاسى قازىبەك بي اۋداندىق سوتىنىڭ ٷكٸمٸمەن الاياقتىق جاساعانى ٷشٸن كەنجەباەۆا 3 جىلعا باس بوستاندىعىنان ايىرىلدى. ونىڭ جازاسى بالاسى كەمەلەت جاسىنا تولعانعا دەيٸن كەيٸنگە قالادى. سوتتالۋشى قىلمىس جاساعان كەزدە قاراعاندى وبلىسى بويىنشا ەكولوگييا دەپارتامەنتٸ باسشىسىنىڭ ورىنباسارى مٸندەتٸن اتقاردى», - دەدٸ اگەنتتٸكتٸڭ اسا ماڭىزدى ٸستەر جٶنٸندەگٸ تەرگەۋشٸسٸ.
ونىڭ ايتۋىنا قاراعاندا, ەكولوگييا دەپارتامەنتٸنٸڭ ەكس-ٶكٸلٸ جوسپاردان تىس تەكسەرۋ بارىسىندا انىقتالعان ەكولوگييالىق زالالدى ازايتۋ سىلتاۋىمەن جاۋاپكەرشٸلٸگٸ شەكتەۋلٸ سەرٸكتەستٸڭ ديرەكتورىنان 10 ملن تەڭگە كٶلەمٸندە پارا بوپسالاعان.
«ٷكٸم زاڭدى كٷشٸنە ەنگەن جوق», - دەدٸ قايسار بارجاقسىنوۆ.
