© AP Photo / Cecilia Fabiano
Qaraǵandyda qatty jel kezinde oiyn alańynda zardap shekken balaǵa birneshe ota jasalady, dep habarlaidy Sputnik Qazaqstan oblystyq densaýlyq saqtaý basqarmasynyń baspasóz qyzmetine silteme jasap.
Qaraǵandy oblysynyń bas neirohirýrgiia Ǵabit Mahambaevtyń aitýynsha, balanyń aýrýhanaǵa kelgendegi jaǵdaiy óte aýyr bolǵan.
"Bala es-túsin tolyq bilgen joq. Birden jansaqtaý bólimine jatqyzyldy. Birneshe travma alǵan. Balanyń bet súiegi men qoly synǵan. Qazirgi kúni bala esin biledi. Demalý qabileti jaqsy. Búgin ota jasaýǵa daiyndap jatyrmyz", - deidi oblystyń bas neirohirýrgy Ǵabit Mahambaev.
Balaǵa tolyq diagnostika jasalady, endi birneshe ota qajet.
"Synǵan mańdai súiegin ornyna qoiamyz, bet súiekteri synǵan, oǵan da ota jasalady. Tómengi jaq súiegin ornyna qoiyp, joǵarǵy bet súiegin bekitedi. Oń qolynyń synǵan súiegin de qalpyna keltiredi. Biraz ýaqyt emdeledi, biraq balanyń bolashaqtaǵy densaýlyǵy meniń oiymsha jaqsy bolady", - deidi Ǵabit Mahambaev.
Al zardap shekken ekinshi balanyń jaǵdaiy jaqsy, ómirine qaýip joq, deidi dárigerler.
Eske sala keteiik, 19 maýsymda Qaraǵandyda qatty soqqan daýyldan oiyn alańyndaǵy jasandy tósenish ushyp ketip, oinap júrgen balalarǵa qaýip tóndirdi.
