© AP Photo / Cecilia Fabiano
قاراعاندىدا قاتتى جەل كەزٸندە ويىن الاڭىندا زارداپ شەككەن بالاعا بٸرنەشە وتا جاسالادى, دەپ حابارلايدى Sputnik قازاقستان وبلىستىق دەنساۋلىق ساقتاۋ باسقارماسىنىڭ باسپاسٶز قىزمەتٸنە سٸلتەمە جاساپ.
قاراعاندى وبلىسىنىڭ باس نەيروحيرۋرگييا عابيت ماحامباەۆتىڭ ايتۋىنشا, بالانىڭ اۋرۋحاناعا كەلگەندەگٸ جاعدايى ٶتە اۋىر بولعان.
"بالا ەس-تٷسٸن تولىق بٸلگەن جوق. بٸردەن جانساقتاۋ بٶلٸمٸنە جاتقىزىلدى. بٸرنەشە تراۆما العان. بالانىڭ بەت سٷيەگٸ مەن قولى سىنعان. قازٸرگٸ كٷنٸ بالا ەسٸن بٸلەدٸ. دەمالۋ قابٸلەتٸ جاقسى. بٷگٸن وتا جاساۋعا دايىنداپ جاتىرمىز", - دەيدٸ وبلىستىڭ باس نەيروحيرۋرگى عابيت ماحامباەۆ.
بالاعا تولىق دياگنوستيكا جاسالادى, ەندٸ بٸرنەشە وتا قاجەت.
"سىنعان ماڭداي سٷيەگٸن ورنىنا قويامىز, بەت سٷيەكتەرٸ سىنعان, وعان دا وتا جاسالادى. تٶمەنگٸ جاق سٷيەگٸن ورنىنا قويىپ, جوعارعى بەت سٷيەگٸن بەكٸتەدٸ. وڭ قولىنىڭ سىنعان سٷيەگٸن دە قالپىنا كەلتٸرەدٸ. بٸراز ۋاقىت ەمدەلەدٸ, بٸراق بالانىڭ بولاشاقتاعى دەنساۋلىعى مەنٸڭ ويىمشا جاقسى بولادى", - دەيدٸ عابيت ماحامباەۆ.
ال زارداپ شەككەن ەكٸنشٸ بالانىڭ جاعدايى جاقسى, ٶمٸرٸنە قاۋٸپ جوق, دەيدٸ دەرٸگەرلەر.
ەسكە سالا كەتەيٸك, 19 ماۋسىمدا قاراعاندىدا قاتتى سوققان داۋىلدان ويىن الاڭىنداعى جاساندى تٶسەنٸش ۇشىپ كەتٸپ, ويناپ جٷرگەن بالالارعا قاۋٸپ تٶندٸردٸ.
