Qaraǵandyda keshki ýaqytta belgisiz adamdar aialdamada turǵan jolaýshy avtobýstaryna pnevmatikalyq qarýdan oq atqan, dep habarlaidy "Ult aqparat".
Oqiǵa 8 qazan kúni saǵat 19.00 shamasynda bolǵan. Belgisiz adam pnevmatikalyq qarýdan oq atyp úsh baǵyttaǵy avtobýstyń shynysyn zaqymdaǵan. Sol kezde №40 avtobýstyń salonynda 45-ke jýyq, №45 marshrýtty avtobýsta 120-ǵa jýyq jáne №33 avtobýsta 70-ke jýyq jolaýshy bolǵan. Oqiǵa saldarynan eshkim zardap shekpegen.
«Jaǵdaidy tekserý barysynda №45 marshrýttyq avtobýs salonynan pnevmatikada qoldanylatyn diametri 4,5 mm metall sharik tabyldy. Atalǵan derek boiynsha QR QK 293 - babynyń 3-bóliginiń 2-tarmaǵy «Buzaqylyq» boiynsha qylmystyq is tirkeldi», - dedi Qaraǵandy oblysy PD baspasóz qyzmeti.
Qazirgi ýaqytta politsiia qyzmetkerleri kúdiktini anyqtaý jáne ustaý sharalaryn qabyldaýda.
