Qaraǵandyda nóser aryǵynda batyp ketken 9 jasar balanyń ólimine qatysty is qaita qaraldy, dep habarlaidy QazAqparat.
«Qaraǵandydaǵy nóser kanalynda 9 jasar balanyń qaza bolý faktisi boiynsha tergeý organdary Qylmystyq kodekstiń 306-baby 3-bóligi «abaisyzda adam ólimine ákep soqqan, qaýipsizdik talaptaryna sai kelmeitin jumystardy oryndaý ne qyzmetterdi kórsetý» boiynsha sotqa deiingi tergeýdi bastady. Qazirgi ýaqytta qajetti saraptamalar taǵaiyndaldy. Tergeý júrip jatyr», - dep habarlady Qaraǵandy oblysy PD baspasóz qyzmeti.
Esterińizge sala keteiik, 3 sáýirde Qaraǵandyda oinap júrgen balalardyń biri ashyq aryqqa batyp ketken bolatyn.
Qaiǵyly oqiǵa Serov kóshesindegi úidiń janynda boldy.
Shaqyrýdan bir saǵat ótken soń qutqarýshylar 2012 jyly týǵan balanyń denesin alyp shyqty.
